Анна Кашинская

К оглавлению: жития святых

Житие и подвиги преподобныя благоверныя великия княгини инокини Анны Кашинския, новыя чудотворицы.

Господу Богу и Спасу нашему Иисусу Христу, прежде вольныя и спасительныя Своея страсти и воскресения, сеющу слово спасеное живущимъ на земли, и часто не токмо единемъ божественнымъ своимъ ученикомъ и апостоломъ беседоваше, но и ко всемъ народомъ учение свое простирая и подвизая ученики своя на проповедь, сице глаголаше: "Се Азъ посылаю васъ, яко овцы, посреде волковъ. Предадятъ бо вы на сонмы и на соборищи, и предъ цари и владыки ведени будете имени Моего ради. И не убойтеся отъ убивающимъ тело, души же не могущихъ коснутися".

Икона св. прп. Анны Кашинской, Никольская церковь в Коломне.
Изображение со страницы «Возрождение» книги «Храм Николы Гостиного в Коломне».

И таковаго пресладкаго и небеснаго и спасенаго учения мнози явишася, яко звезды небесныя множествомъ, мученицы и исповедницы и подобницы божественнымъ и спасительнымъ Его страстемъ показашася. Всякихъ видъ мучения доблественно претерпеша и победители врагу до конца явишася. Иногда же и народомъ беседоваше: "Возьмите иго Мое на себе и научитеся отъ Мене, яко кротокъ есмь и смиренъ сердцемъ, и обрящете покой душамъ вашимъ, иго бо Мое благо и бремя Мое легко есть". И паки: "Аще кто оставитъ отца или матерь, или жену, или чада, и села, и имения имене Моего ради, стократицею прииметъ и животъ вечный наследитъ. И аще кто не возьметъ креста своего и вследъ Мене грядетъ, сей несть Мне ученикъ". И не просто учаше, во яко Богъ и Владыка всехъ, ведый помышления человеческа и испытая сердца и утробы, яко не отъ слышания точию спасевие бываетъ, но аще кто сотворитъ пречистую волю Его, сей спасенъ будетъ: "Аще кто слово Мое соблюдетъ, живъ будетъ во веки".

Икона святой благоверной великой княгини Анны Кашинской с мощевиком.
Со страницы Воскресная школа при Свято-Алексиевском монастыре книги Саратовский Свято-Алексиевский женский монастырь

Таковаго евангельскаго проповедавия приемше слово спасеное и развергше бразды сердецъ своихъ, вземше крестъ последоваша Христу, въ пустыняхъ скитающеся, и въ горахъ, и въ вертепахъ, и въ пропастехъ земныхъ живуще, отбегающе отъ прелести мира сего, и яко небо парнии орли приемше крила легкостию смысла своего возлетеша на небо. Понеже всемъ сердцемъ возлюбиша Господа Бога и Тому невозвратнымъ путемъ шествоваша, и ничто же паче любве Его предпочтоша. Якоже и сия блаженная и великая княгиня Анна, о ней же намъ ныне слово предлежитъ, отъ юности своея возлюбила божественныя и спасительныя завоведи Его и Тому яевозвратнымъ путемъ шествова, якоже напреди слово явитъ о семъ.

Сея убо преподобныя отечество градъ Кашинъ. Дщи бяше благородныхъ и благочестивыхъ родителей отъ славныхъ боляръ. И добре има воспитана бывши во страсе Господни и наказана Того пресвятыя заповеди творити; научена же бывши и божественному писанию. И добре поучашеся страху Господню и отъ того поучения возгарашеся на любовь Божию. Не взираше бо на красоту века сего, яко прелесть бе; ниже уклоняшеся къ сладости ииици и покоя, но пища бе ей молитва непрестанная, и желание ненаеытно къ Богу; ниже честь и слава возбрани когда ей отъ любве Божия; но присно прилежашо благимъ деломъ, како бы угодити Богу, и на Того пресвятую волю полагаше упование свое. И весьма поучашеся въ законе Господни. И яко древо происходящихъ водъ напояемо бяше божественныхъ словесъ поучениемъ; и отъ того навыче духовнаго веселия. Моляшеся часто Господеви, яко да не лишитъ ю небеснаго Своего чертога, но да сотворитъ о ней, якоже волитъ пресвятая воля Его. Нищимъ же и убогииъ довольну подаваше милостыню.

И присно цветущи ей благими делы, въ таковей юности и чести и славе и во всякомъ покои подвизающуся на божественную ревность.

Егда же прииде въ совершенный возрастъ, подобна на сочетание брака, обручиша ю великому князю Михаилу Ярославичу, иже тогда ему господствующу во граде Твери. Такоже и той благоверный князь Михаилъ вельми благочестивъ и боголюбезенъ смирениемъ и кротостию, и благотворениемъ къ нищимъ и къ страннымъ попремногу преспевая, иже последи скончася мученическимъ подвигомъ и венцемъ увязеся мучения отъ вседержительныя руки, якоже напреди пошедъ слово явитъ о семъ. Живущима же има во благочестии и въ законе Госиодни, поучающеся день и нощь, и преспевающе красотою делания своего, еже къ пищимъ и ко убогимъ нищепитательствомъ, и къ страннымъ, и къ больнымъ, якоже и древле Авраамъ праведный, и, по Іову терпеливому, всемъ всяка быста: нога хромымъ и око слепымъ. Вельми же любяста священнический чинъ, яко Божия слуги, и яко слово воздати хотяще о данней имъ благодати. И попремногу почитаста иноковъ, яко присныхъ Божиихъ заповедей делателей. Не зряще бо на красоту века сего суетнаго, яко прелесть бе и скоро преходить. и яко сень мимо течетъ.

Ниже возвеличастася благородиемъ и величествомъ господьства своего, или гордостию превзимастася, якоже нецыи творятъ, взимаютъ бо ся величествомъ благородства своего, и яко безсмертни творятся, дмениемъ и кичениемъ, тщеславиемъ же и высокоумиемъ, и гордостию превзимающеся еже другъ на друга, не ведуще, яко гордости ради, иже иногда бывый денница, отпаде славы Божия, и вместо света тьма бысть, и диаволъ преименовася. И хотящимъ въ смиревии жити, вельми супостатъ душъ нашихъ запинаетъ и въ преисподняя съ собою сводитъ. Сице и Адама праотца нашего высокоумия ради изъ породы изгна. И сице вспоминаста въ себе благоверный и благочестивый великий князь Михаилъ со благоверною и великою княгинею своею Анною, вельми смирение любяста и любовь равну ко всемъ держаста.

Ведуще отъ божественнаго писания, яко любви ради Сынъ Божий преклонь небеса и сниде съ небесъ и воплотився нашего ради свасения отъ преблагословеввыя Владычицы нашея Богородицы и Присводевы Марии, и бысть совершенъ Богъ и совершенъ человекъ, и толико смиривъ Себе, Творецъ и Зиждитель всея твари, и бывъ послушливъ даже до креста и смерти, якоже апостолъ глаголетъ, да насъ примиритъ Богу и Огцу Своему.

И вся сия пострадавъ безгрешный, да насъ свободитъ отъ клятвы законныя и наследники ны сотворитъ царства Своего небеснаго. Сия помышляста въ себе блаженная, како отъ толикия высоты сведе себе и премногия ради благости бывъ подобенъ намъ, кроме греха, и яко не имеяше, где главы подклонити. Не паче ли нама глаголаше: смертвыма сущима и тленныма, подобаетъ Его ради смирятися и любити всехъ, не токмо своихъ и едивоплеменныхъ, но и враговъ нашихъ по евангельскому гласу. И сице видевъ Богъ наше смирение, отпуститъ намъ согрешения наю и наследвики насъ сотворитъ небеснаго своего царства.

И сице разсуждая въ себе блаженный и благочестивый князь Михаилъ съ супружницею своею, великою княгинею Анвою, присно поучающеся во псалмехъ и пениихъ, и песнехъ духовныхъ, Богови молястася, о еже сохранитися отечеству и всей державе ихъ отъ нашествия ивоверныхъ языкъ. И сице блаженныма цветущима благими делы, беззлобиемъ и кротостию, и смирениемъ, и благотворениемъ во всей велицей России, яко некая два светила великая, озаряющи всюду своимъ житиемъ и ничимъ же лишена быста Авраама, и Іова, и Давида, во во всемъ последоваста сродвикомъ своимъ, иже въ России бывшимъ светиломъ: великому князю Михаиду Черниговскому и деду своему великому князю Александру Невскому. По семъ же родистася има четыре сыны: первый князь Дмитрий, вторый князь Александръ, третий князь Василии, четвертый князь Константинъ. И добре ихъ воспитаста и наказаста въ страсе Господни и боятися Бога и Того пресвятую волю творити.

Что же по сихъ видевъ врагъ и сопостатъ душъ нашихъ блаженнаго и великаго князя Михаила въ таковей славе и чести, и яко царь почитаемъ, и ничимъ же отъ него побежденъ бываетъ, но присно побеждается, и въ конецъ разрушися неприязненная его сила, и весьма попираемъ, яко птица худая, испрошаетъ на него отъ Бога, яко же древде и на праведнаго Іова, взущаетъ на него злыми своими ухищрении, своихъ има единоплеменныхъ по плоти сродникъ. И коварствуетъ льстивый диаволъ на великаго по истинне во блаженныхъ князя Михаила, хотя его доброму течению спону сотворити и великой княгине Анне.

Но оне пояху: "Господь намъ помощникъ и не убоимся; что сотворитъ нама смертный человекъ, аще бо и воздвизаетъ диаволъ на святыхъ брань, но по мале на его главу болезнь возвратится". Тогда многа зависть и крамола на блаженныхъ воста, и многа брань отъ своихъ ему на его державу приидоша. Но Господь, видя своего угодника и непорочное житие, дарова ему победу велию на сопостаты его и на совостающая на него единородныхъ ему братию.

То же видевъ врагъ, яко ничтоже успе сотворити великому князю, и яко попрана бысть неприязненная его сила, паки подвизаетъ на него брань лютейши перваго: взущаетъ на него ординскаго царя Озбяка и советника его, паче же своего угодника беззаконнаго Колгу. Благочестивый же и великий князь Михаилъ, слышавъ беззаконнаго царя, яко хощетъ пленити его державу и пролити кровь христианскую неповинныхъ сущихъ, вельми душею скорбя и плакася, глаголаше къ супружнице своей великои княгини: "О, госпоже, яко слышу повеление злочестиваго царя и востаящую на наю зависть, и яко хощетъ многа брань сотворитися между нами и кровь пролиятися стада Христова. Но азъ хощу, аще Богу волящу, итти самъ въ орду къ беззаконному царю и собою ответъ сотворити и душу мою положити за овцы стада Христова по Христову словеси".

Сие слышавши, блаженная и великая княгиня Анна оскорбевся душею и въ себе глаголаше: "Что ми, благоверный мой князь, яко хощу итти въ орду къ нечестивому царю и душу свою положити за овцы стада Христова? будетъ ли се истина, яко хощетъ за имя Христово пострадати?" И сице глаголаше къ нему: "О, драгий мой, любимый, великии княже Михаиле! Почто боишися злочестиваго царя и его беззаконнаго повеления, аки немощенъ трепещеши? Еда не имаши бранныхъ и сильныхъ оруженосцевъ у себе, или тьмы темъ окружающихъ тя храбрыхъ воиновъ. Еда не можеши съ толикою силою ратныхъ людей, паче же съ Божиею помощию сопротивъ стати беззаконнаго царя. Не ты ли приялъ еси искусъ Божия помощи предъ малыми сими деньми, егда прииде на тя съ ратию братъ твой, великий князь Юрий, со окаяннымъ Кавгадыемъ, варваромъ? И колико тогда побилъ еси пришедшихъ на тя отъ ихъ воиньства, и самого варвара въ руки твоя предалъ тебе Богъ! И ныне ли, благочестивый мой княже, боишися злочестиваго царя и хощеши предати себе самовольно, яко агнецъ злохищному волку!" Онъ же глагола къ ней: "Азъ, госпоже, отъ многа времени желаю пострадати за имя Христово и душу мою положити за порученное мне стадо: но не сущу такову времени. Ныне же, аще Богъ восхощетъ, готовъ есмь пострадати за иже мене ради пострадавша. И мню, яко лучше есть мне единому умрети за стадо Христово, нежели мене ради мнозей крови христианстей отъ мучителя пролиятися".

Сия слышавши по истине блаженная кпягиня Анна, и яко истинно хощетъ пострадати за имя Господа Іисуса, и рече къ нему съ тихостию: "О, господи мой, благочестивый княже? Весть убо Господь нашъ Иисусъ Христосъ, яко несть неправды нашея предъ беззаконнымъ царемъ. Но понеже велегласный учитель вселенныя, божественный апостолъ Павелъ, пиша къ Тимофею, глаголетъ, яко вси хотящи жити благочестно о Христе гоними будутъ, лукавии же человецы предуспеютъ на горшее. И Самъ, беседуя, Сынъ Божий ко ученикомъ своимъ глаголаше: "Аще бысте отъ мира были, миръ убо своя любилъ бы.

Но Азъ избрахъ вы отъ мира, сего ради и миръ васъ ненавидитъ". Паки къ иудеомъ глаголаше: "Сего ради ищете мя убити, яко слово Мое не вмещается въ васъ". И по сему Христову словеси, господи мои, аще быхомъ были мы подобни ихъ житию и ласкавие бы къ нимъ творили, не бы убо на насъ такова зависть когда возстала, или на нашу державу отъ братий твоихъ кто позавиде, но понеже Спасъ ко ученикомъ своимъ глаголаше: "яко хощете, рече, скорбь имети, но дерзайте, яко Азъ победихъ мира и прелесть его. И не убойтеся отъ убивающихъ тело, души же не могущихъ убити. Но паче подобаетъ боятися могущаго по убиении тело и душу воврещи въ дебрь огненную". И смотри, благочестивый и драгий иой княже, яко сродпицы твои, благовернии князи Борисъ и Глебъ, отъ брата своего Святополка зависти ради убиена быста, и сего ради отъ Бога венчанна быста.

Такоже и благоверный и великий князь Михаилъ Черниговский съ боляриномъ своимъ Феодоромъ, колико пострадаста за веру Христову отъ злочестиваго Батыя и никакоже покористася беззаконному велению, но кровь свою излияша за Христа: сего ради и венцемъ мучения отъ вседержительныя руки венчастася и мученицы Христови нарекошася. И аще сице, господи мой, благоверный княже, дойдеши во орду къ беззаконному царю, и самовольно хощещи пострадати за имя Господа Иисуса, никому же тя понуждающу, поистине тогда блаженъ будеши во вся роды, и память твоя во веки будетъ, токмо потщися усердно во звании своемъ стояти, и Господь тебе помощникъ будетъ". Блаженный же и великий князь Михаилъ рече къ ней: "Что бо мне сладчайши сего или краснейши, еже за имя Господа моего Иисуса Христа пострадати! И уповаю на щедроты его, яко исполнитъ желание сердца моего".

Тогда блаженная къ нему глагола: "Молю тя, господи мой, благоверный княже! Егда предстанеши нечестивому царю, яко добръ воинъ Христовъ, и егда нанесутъ тебе злоковарныя своя муки, хотяще покорити тя своему умышлению, тогда, господи мой, никако да не убоишися отъ грядущихъ на тя золъ, виже огнь или колеса, или мечи, или сечива устрашать тя. Но буди терпеливно во звании своемъ, въ неже еси хощеши самовольно итти. Ниже доброму твоему помышлению возбранитъ ти величество державы твоея; ниже вно что отъ земныхъ и тлеемыхъ да препнетъ самовольному твоему званию: вся бо она мимо ходятъ. Ниже терпения твоего ослабятъ другъ твоихъ ласкавия, и ниже да украдутъ твоея яже во Христа веры некоторыми лестными словесы и начинании.

Отнюдъ ненавиди техъ нечестивыхъ советы, но токмо возлюби, господи мой, единаго Господа Иисуса Христа, возлюбившаго тя отъ младыхъ ноготь и предавшаго Себе за тя. Тогда азъ буду блаженна тебе ради во всехъ русскихъ женахъ". Сия глаголаше блаженная и великая княгиня Анна супругу своему, благочестивому великому князю Михаилу, бояшеся, да не како отбегнетъ добраго подвига, еже о Христове имени страдания.

Онъ же яко слышавши таковые глаголы, вельми дивляшеся премудрости словесъ ея и премудрому совету, и Бога похваляя, яко извещение приимъ Божия помощи, еже къ подвигу желаемаго ему пути, яко женою ему подаде таковый советъ. Видите, братие, и почудитеся блаженныя и великия квягини Анны премудрому совету! Не восхоте бо супруга своего въ мале времени славима быти, но во веки блажима и похваляема и отъ Бога прославляема добраго ради исповедания. И не яко Ева советова Адаму древа вкушениемъ въ раи, но яко Ревекка советова о благословении сыну своему Іакову. Таже рече къ ней обрадованнымъ некако лицемъ: "О, госпоже моя, супружнице Анно! Мне бо еже жити Христосъ, и еже умрети приобретение жизни Его. И что ми сладчайши сего и возжеленнейши, яко умрети за имя Господа моего Иисуса Христа". И сия рекъ умолче.

Та же призвавъ дети своя, и поучивъ ихъ страху Господню, и по всему ваказоваше подобитися своему благому житию. "И матери, рече, своей покаряйтеся, и на ню взирайте, и непорочному деланию, и многимъ добродетелемъ ея последуйте". Конечное же прирекъ: "Якоже видесте, рече, наю творяща, сице и вы творите, и Богъ мира да будетъ съ вами". И разделивъ имъ наследие достояния своего, подавъ имъ благословение комуждо своя грады, и приимъ благословение у епископа своего, блаженнаго Варсонофия, и отъ иде во орду, точию поимъ единаго сына своего, князя Димитрия, да видитъ страдание его, много же плачущимъ всему народу, мужемъ, и женамъ, и детемъ.

Хотяй иже уведети о семъ, да прочтетъ житие и страдание блаженнаго и великаго князя Михаила, како подвизався добрымъ своимъ самовольнымъ званиемъ, еже о имени Господа нашего Іисуса Христа, и колико отъ беззаконнаго и нечестиваго царя и его боляръ, пачеже отъ треклятаго и зверообразнаго варвара Кавгадыя приять поношения и уничижения, биения, и досады, и различныхъ томлении, и озлоблении, последи же блажевную кончину приятъ: мечемъ усекновенъ бысть, и тако мучения венцемъ увязеся, добрымъ подвигомъ подвизався, течевие скончавъ и веру соблюде въ лето 6827-е, месяца ноембрия въ 22 денъ. Тело же его пресвятое принесено бысть изо орды сыномъ его княземъ Димитриемъ въ славный градъ Тверь и положено бысть честно со псалмы и песньми, и пеньмн духовными, и со многими слезами отъ всего народа въ соборней и апостольстей церкви, идеже и доныне безчисленная чудеса источаетъ съ верою приходящимъ къ пресвятому гробу его и прикасающиися многоцелебнымъ мощемъ его.

Благоверная же и благочестивая и великая княгиня Анна радовашеся душею и вельми Бога благодарствовавши, яко сподобилъ супружника ея, великаго князя Михаила, пострадати за имя Его пресвятое и страшное и въ добромъ исповедании блаженную кончину прияти. И нападши на перси его духовными слезами, яко къ живу, сице глаголаше: "Блаженъ еси, господи мой, великий княже, и по истинне во вся роды блаженъ будеши, яко пострадалъ еси по пострадавшемъ по насъ, и се ныне отшелъ еси къ возлюбившему тя Христу. Итамо божественную и неизреченную Его славу зриши. и вкупе со ангелы воспеваеши Пресвятую и Живоначальную и Нераздельную Троицу. И ныне молю тя, о, страдальче Христовъ! да не оставиши мя погружену прелестьми жития сего, но помяни мя у престола Вседержителя Христа Бога нашего, яко да достойна и азъ буду небеснаго чертога съ мудрыми девами, и яко да не угаснетъ светильникъ души моея отъ добраго подвига. Тебе бо ныне стяжахъ о мне ходатая къ Богу и молитвенника крепка".

И сице довольно помолившися и целовавши любезно пресвятое тело его и, вместо многоразличныхъ ароматъ, многими слезами облиявши тело его, отъиде въ домъ свой, славящи и благодарящи Христа Бога нашего и Его рождьшую Деву, Владычицу нашу, Богородицу и Приснодеву Марию.

Что же по семъ, благоверная княгиня Анна пребываше въ дому своемъ съ сыномъ своимъ благовернымъ кпяземъ Константиномъ Михаиловичемъ; тому бо юнейшему сыну его той славный градъ Тверь, отча достояния, въ наследие достася. Яко горлица чадолюбивая вдовствующи, молитвами частыми и многимъ молениемъ выну Бога молящи, яко да и ту не лишитъ достояния святыхъ лику и наследия небеснаго царствия.

И многому посту и воздержанию себе вдавши, кротостию же и смирениемъ украшашеся. Нищихъ питая, и странныхъ и убогихъ повелеваше въ домъ свой вводити, и пищу имъ и одежду довольну подаваше, и сиротъ и вдовицъ заступая, и насилующимъ возбраняше, наказуя и уча ихъ не обидети нищихъ и сиротъ. И сице глаголаше, яко сиротамъ есть и вдовицамъ и убогимъ Отецъ Небесный помощникъ и застулникъ, якоже и пророкъ глаголетъ: "Терпение убогихъ не погибнетъ до конца". И паки:"Сиру и убогу ты буди помощникъ".

И всяку неправду ненавидя и всяко нечестие потребляя, учаше же и сына своего возлюбленнаго, благовернаго князя Константина, еже любити Господа Бога всемъ сердцемъ и всею душею, и всею мыслию и Того выну предъ собою имети, и святыя заповеди Его хранити, и судъ праведенъ творити, и ласкания и лукавыхъ словесъ отъ вельможъ ненавидети, и любовь ко всемъ равну имети, и отъ насилующихъ сиротъ и убогихъ изымати. И таковыми благочестивая и великая княгиня Анна тогда плоды добродетелей цветяше и Богу угождающи, якоже и древнии святии.

Помышляше же, како бы отврещися мИра и единому Богу въ молчании работати, и Того доброты выну ненасытне насыщатися, понеже рече: "Уязвленна есмь Того любовию; и вследъ Твоего человеколюбия потеку", глаголаше къ Богу: "Приими мя, женише небесный, Іисусе Христе, Твоею любовию, и сопричти мя мудрымъ девамъ". И сице моляшеся Богу и исповедовашеся. Таже по семъ блаженная, разсуждая въ себе, глаголаше: "Аще пребуду азъ въ дому своемъ въ таковей чести и славе и въ покои, паче же въ молве и суетии, яве отлучатъ мя отъ Божия любве и никогда же попуститъ мя въ безмолвии единому Богу молитвою беседовати. И кая польза будетъ, аще человекъ и весь миръ приобрящетъ, душу жо свою отщетитъ. Ибо и Моисей, онъ Боговидецъ, никогда же бы сподобился славы Божия видети и въ купине на горе Синайстей законъ прияти, аще бы токмо не отлучился чести и покоя, и еже нарицатися сынъ дщери фараоновы.

Сего ради подобаетъ работающему Богу отъ всего усердия и на высоту добродетелей взыти, всякаго покоя и славы мира сего бегати, и въ дому Божии приметатися и безъ молвы Богу работати, се бо и Господь нашъ Іисусъ Христосъ учитъ насъ глаголя: "Аще кто не отвержется себе, сиречь пристрастия земнаго, и не возьметъ креста своего и въ следъ мене грядетъ, не можетъ мой быти ученикъ". Сему гласу святии отцы последоваша и святыя жены поревноваша, въ пустыняхъ вселишася и въ горахъ, и въ вертепахъ, и въ пропастехъ земныхъ, и еже чудо, яко и дневныя пиши лишаеми бяху, и озлобляеми отъ бесовъ; якоже и божественный апостолъ Павелъ глаголетъ: "Ихъ же недостоинъ весь миръ.

Сего ради и Богъ ихъ воспрослави, понеже возлюбили Господа Бога всемъ сердцемъ". Что же успеетъ и мне миръ сей, и слава его, богатство же и красота века сего, и многая молва и мятежъ бывающии! Невозможно бо единемъ окомъ зрети на небо, а другимъ на землю; невозможнейши же и весьма неудобно во многой молве отъ всего сердца Богу единому работати, понеже прелесть века сего помрачаетъ очи душевныя и ослеиляетъ мысли умныя и работающимъ Богу запинаетъ во всякой добродетели. Что же пользова и рай праотца нашего Адама и Евы, егда бо видеста красоту древа, отъ него же заповедь прияста не вкусити. И что сотвориста, еда ли не прельстистася Ева очима ко древу; еда ли не поползеся Адамъ и не токмо испадение изъ рая пострадаста, но и отъ Бога отлучистася и смертию осудистася; еда ли азъ крепчайшии онехъ буду, въ таковей чести сый. И предъ очима моима всяка честь и слава господства сего, и яко царица почитаема отъ боляръ и отъ всехъ людей. И како могу азъ избыти ловления и сети диаволи; понеже мнози отъ многихъ начаша въ мире добродетели проходити, и малии обретошася сохраншии.

Сего ради девственный сосудъ, возлюбленный ученикъ Христовъ Іоаннъ Богословъ глаголетъ: "Не любите мира и яже въ немъ. Вся бо сущая видимаго сего мира похоть плотская, и похоть очная, и гордыня житейская". И сице разсуждыя въ себе блаженная, и поистине благочестивая великая княгипя Анна, вскоре и делу касается: весть бо, яко медление раскаяние обыче творити. Тогда блаженная оставляетъ миръ и сраспинается Христу, оставляетъ домъ и господство века сего и изволи приметатися въ дому Божии, паче и съ понесшими тяготу и варъ дневный водворитися, нежели жити въ царскихъ палатахъ, имети славу и господьство мимотекущаго, и яко сень преходящаго века сего.

Се бо и Моисей Боговидецъ изволилъ страдати съ людьми Божиими и имети поношение Христово, нежели имети временнаго греха сладость и жити въ дому фараонове. Приходитъ убо въ монастырь девичъ, нарицаемый Софийский, въ немъ же храмъ Премудрости Слова Божия, и тамо поклоняется Богови, радостными слезами обливаяся, и на многъ часъ Богу исповедовашеся, пометаетъ же себе съ великимъ смирениемъ на нозе сущимъ тамо постницамъ и молитъ съ кротостию, яко да и она отъ нихъ тамо сочетана будетъ въ ликъ. Оне же необычному пременению и великому смирению блаженныя дивляхуся. И яко раба моляше ихъ, а госпожа всемъ сыи; сего ради бояхуся и ужасахуся и въ трепете велице послушаху словесъ ея, великия княгини Анны. Видяще же и сына ея, благовернаго князя Константина, и всехъ боляръ, и всего народа плачущихся, и дивляхуся, како толикъ плачъ не возможе блаженную отторгнути отъ любве Божия. Та же повелеваетъ себе пострищи во святый ангелъский образъ.

И сему бывшу, и приведе себе Богу жертву непорочну, и яко юница нескверная принесеся на всеплодие Вышнему Архиерею, Господу нашему Іисусу Христу. И исторжеся мирския прелести, яко птица отъ пругла и яко серна отъ тенета.

И весьма радовашеся о Господе Бозе своемъ, яко получи желание сердцасвоего. Отъ юности бо своея непрестанною молитвою Бога моляше, дабы сподобилъ благий свой яремъ понести и того единаго доброты выну наслаждатися.

И тако благодатию Христовою нача подвизатися: постомъ и молитвами, и бдениемъ всенощнымъ, и слезы многия изливая, и непрестанно томяше себе алчбою и жаждою. Глаголаше бо, яко подобаетъ плоть презирати, прилежати же паче о души вещи безсмертней, ведяше бо, яко многъ трудъ иноческаго жития и многими труды подобаетъ внити въ царство небесное. Нужно бо есть царство небесное, и нужницы восхищаютъ е. Смирение же и кротость вельми любяше, ведяше бо, яко смирения ради вся коварства вражия растлеваются. Послушание же ко всемъ равно имеяше и всемъ постницамъ покоряшеся о Господе. Кто бо тоя слезы исповесть или трудъ, смирение же и кротось, и аослушание, и терпевие, и бдение, всенощное стояние, и любовь, яже къ Богу?. Како бо возможно словомъ постигнути или писанию предати. Выну бо пояше: "Прильпе душа моя по Тебе, Христе Боже, и возжада душа моя къ Богу крепкому и живому. Когда прииду и явлюся лицу Божию".

И таво помощию всесильнаго Бога, въ мале времени превзыде добродетельми всехъ сущихъ таио постницъ. Егда же прихождаше ко преподобней сынъ ея, благоверный князь Константинъ, благословения ради и поучения съ вельможами своими, она же учаше его, како Бога боятися и Тому угодная творити и ничто же отъ видимыхъ, паче любве Его, предпочитати и на Того уповати. "Той бо есть, рече, царь царствующимъ и Господь господствующимъ; темъ бо цари царствуютъ и сильнии держатъ землю, и ему же хощетъ подаетъ царство. Той бо есть мертвитъ и живитъ, и низводитъ во адъ, и возводитъ, убожитъ и богатитъ, смиряетъ и выситъ, возставляетъ отъ земля убога, и отъ гноища возноситъ нища, и посаждаетъ съ могущвми людии, и престолъ земнаго царства подаетъ ему.

И несть кому мощно противитися величеству славы Его. Воли бо Вго кто противитися можетъ? Якоже и пророкъ Давидъ глаголетъ: "Ты страшенъ еси, и кто противустанетъ Ти. Яко Богъ велий Господь и Царь велий по всей земли, яко въ руце Его вси концы землении, и высоты горъ того суть". Сего ради воспоминаше ему, да не величествомъ господства своего возгордится когда, но быти смирену и кротку и невавидети неправду, поминати же смертный часъ и во всемъ последовати отцу своеыу великому князю Михаилу.

И сице учаше его преподобная, отпущаше въ домъ свой. Къ прочимъ же никакоже беседоваше великая, но въ молчавии пребываше и единому Богу въ молитве упражвяшеся, поя Господеви въ сердцы своемъ: "Господь помощникъ мой и защититель мой, на Того упова сердце мое, и поможе ми, и процвете плоть моя, и волею моею исповемся Ему. И день отъ дне восхождение полагая въ сердцы своемъ, и душу свою просвещая божественнымъ светопролитиемъ, и ума зрительное очищая, и яко безплотна во плоти подвизаяся, и безплотныхъ ликостоянию тщащися усердно постигнути, и разума духовнаго непрестанно боговидения и разсуждения прияти. Имяше же во уме память смертную и сего часа поминаше, плакаше вельми, како по исхождении отъ тела испытавие душамъ бываетъ на воздусе отъ лукавыхъ бесовъ.

И люто по истине тогда бываетъ душамъ, иже ве имевшимъ тогда плода благихъ делъ и во временней сей жизви не подвизавшимся, како бы угодити Богу и избыти вечнаго оеуждения. Сего ради и божественный апостолъ Павелъ, уча насъ, глаголетъ: "облецетеся, рече, во вся оружия Божия, яко возмощя вамъ стати противу кознемъ диавольскимъ, яко несть наша брань къ крови и плоти, но къ началомъ, и ко властемъ, и къ миродержителемъ тьмы века сего, къ духовомъ злобы поднебеснымъ. Сего ради возьмете вся оружия Божия, да возможете противитися въ день лютъ, и вся содеявши стати. И якоже алчущему невозможно безъ хлеба быти, сице и хотящему спастися невозможно есть, аще не имать памяти смертныя".

Таже по неколицехъ летехъ, сыну ея, благоверному князю Константину, отшедшу ко Господу, тогда приходитъ во Тверь вторый сынъ ея изъ Кашина града, благоверный князь Василий Михайловичъ, по рекломъ Кашинъ, и молитъ матерь свою, преподобнуго и благочестивую и великую княгиню Анну, яко да прейдетъ отъ Твера града въ господьствующий его градъ Кашинъ и яко да посетитъ отечество свое, яко да онъ тамо выну зритъ святое, ангелоподобное лице ея и сладкаго учения присно да наслаждается.

И сице моляше.ю: "Елма убо, мати моя, преподобная и благоверная великая княгиня Анно! Сице Богу изволившу судьбами своими, яко скончавшуся брату моему, твоимъ пресладкимъ учениемъ присно наставляемъ, аще мне тогда и скорбно бе и восьма неутешпо, яко лишенъ тогда сладкаго твоего и частаго учения, но не восхотехъ оскорбити брата ыоего и тебе молити, дабы пришла жити во градъ мой. Ныне же но могу терпети, еже быти ми отъ тебе въ дальнемъ разстоянии и еже не насыщатися твоего божественнаго учения. И что животъ мой и слава моя, и княжение мое, еже быти ми лишену твоего ангелоподобнаго зрения?"

Преподобная же мати его отвеща къ нему и рече: "Чадо мое возлюбленное, странно наше иноческое житие, и ложно некако ко Христу обещание, еже до последняго издыхания на единемъ месте, на немъ же обещахомся, терпети всяку скорбь Христа ради, аще не времени векоему позывагощу ли гоневия ради, или частыхъ наносимыхъ ради скорбей бывающихъ, Христа ради понесшимъ тяготу и варъ дневный; но и се подобаетъ преобидети любве ради Божия. Или паки смотрения ради пекоего подобаетъ бегати въ другое место, по Христову словеси: "аще гонятъ вы изъ града, бегайте въ другий градъ".

Ныне же помощию всесильнаго Бога, несть во граде семъ ни гонения, ни иныхъ скорбей находящихъ, якоже въ прежнее время было при отце твоемъ, великомъ князе Михаиле Ярославиче, отъ поганыхъ нашествия и своихъ сродникъ крамолы и зависти. И аще оставлю градъ сей и въ твой градъ преселюся, буду подобна ищущимъ славы ыира сего. "Никто же, рече Сынъ Божий, возложь руку на рало, зря вспять, управленъ будетъ во царство небесное". Не бо и Авраамъ праотецъ нашъ повеленъ бы былъ отъ Бога оставити отечество свое и преселитися въ чужу землю, аще не бы возбранило ему отеческое идолобесие отъ Божия любве и познания.

И како могу оставити градъ сей, въ немъ же дарова всещедрый Богъ страстотерпца своего и моего супружника великаго князя Михаила, его же въ заступление и помощь имеетъ и къ Богу ходатая весь градъ сей; и азъ имею предъ очима моиыа пресвятое и страстотерпческое тело его и, зря нань, усердно теку въ добромъ семъ подвизе; его же молитвами, аки некиыи крилы, вперяюся умомъ къ Богу, Ни, чадо мое, ни, престани понуждати мя преселитися во градъ свой, и прочее нестужай ми". Онъ же со слезами моляше блаженную и не хотяше восклонитися отъ святою ногу ея.

Паки рече къ ней: "Веси, мати моя преподобная, яко отъ младыхъ ноготь твоей любви привязанъ и тобою паче прочихъ братий моихъ любимъ бехъ, и никогда же твоего повеления преслушахся, и никогда же бо хотелъ отлучитися твоего сопребывания. Но Божиихъ судебъ несть кому возможно постигнути; зане по жребию и благословению святаго отца моего и твоимъ достася мне въ наследие градъ той. И есть ми любезенъ ради покорения и послушания боляръ ыоихъ, и вельможъ, и всего народа. И аще бы хотелъ оставити градъ той и преселитися семо по смерти брата моего, и твоего выну слышати медоточнаго языка учения, и зрения ангеловиднаго насыщатися, но никако же оставятъ мя вельможи меи и весь градъ, ради любве моея ежекъ нимъ, оттоле кътебе преселитися.

Сего ради, по совету боляръ моихъ и вельможъ и всего града, приидохъ молити тя, весь бо градъ желаетъ видети ангелоподобный твой зракъ и въ себе ямети. И сице глаголютъ, яко да посетитъ преподобная и благоверная княгиня Анна отечество свое и да въ немъ пребываетъ. Того бо града, рекоша, таковая благочестивая и святая отрасль израсте отъ благоверну родителю, и есть намъ печаль не мала належитъ, яко лишихомся пресладкаго учения и святаго лица ея зрения. Иди, благочестивый княже, во градъ Тверь и моли матерь свою, яко да преселится во градъ своего отечества, яко да будетъ граду нашему Кашину и всей области его вечная похвала тоя пришествиемъ.

Граду бо Твери дарова Богъ молитвенника тепла и заступвика скора, страстотерпца своего, отца твоего благовернаго велйкаго князя Михаила Ярославича, нашему же граду всяко даруетъ всещедрый Богъ преподобную матерь твою, благоверную и великую княгиню Анну, въ помощь и заступление во вся роды до века. Токмо потщися усердно доити во градъ Тверь и умолити матерь свою, и Богъ благий исполнитъ желание сердца твоего. Сего ради, о святая и блаженная мати моя, да не оставиши мя тща, ради своего еже къ намъ преселения, да не презриши моления всего града, паче же мене возлюбленнаго сына своего, да не печалию снеденъ буду, еже лишену быти мне твоего медоточнаго языка учения; и лучше ми есть зде уырети, нежели возвратитися тщу во свой градъ".

Таковые глаголы благоверный князь Василий ко преподобней матери своеи со многими слезами изрече и въ себе Бога моляше, яко да получитъ желавие сердца своего. Блаженная же и преподобная кпягиня Анпа таковое моление отъ сына своего слышаше и веру его видевши, не безъ Божия промысла, разсуди, сему быти, но яко отъ Бога посланъ бысть къ ней, преклоняется на молевие и обещавается преселитися во свое отечество и тамо пребыти до дне иехода своего еже къ Богу. И сице рече къ нему: "буди, сыну мой возлюбленный, по твоему молению и якоже Богу годе, тако и будетъ". Благоверный же князь, сынъ ея, слышавъ таковые глаголы, радости многи исполняшеся и всесильнаго Бога прославляше, яко не презре моления его. Тогда преподобная и великая княгиня Анна созва къ себе постницы, иже въ монастыре томъ, и поведаетъ имъ свое еже отъ нихъ отшествие.

Оне же яко услышавше отъ преподобныя сицевые глаголы, слезъ исполнившеся, глаголаша къ ней: "Камо грядеши, госпоже наше, и что ради разлучение твое отъ насъ хощетъ быти? Еда въ чемъ прогневахомъ тя, или неправдовахомъ предъ тобою, или скорбь какую наведохомъ твоему непобедимому и терпеливому смиренномудрию? Еда граждане гонятъ тя отъ нашего сопребывания? Повеждь намъ, госпоже преподобная мати, вину отшествия своего". Она же: "Не плачите, рече, сестры мои, видите, яко сынъ мой прииде изъ Кашина града, благоверный князь Василий, и той понуждаетъ мя и молитъ со многими слезами еже преселитися отсюду во свой ему градъ. Азъ же много отрицахся, дабы не отлучитимися отъ вашего поствическаго пребывания. Онъ же непрестаяше моля мя, дабы пойти ми въ Кашинъ градъ. Азъ же разсудила въ себе: не безъ Божия промысла сему быти, но яко отъ Бога посланъ прииде ко мее и моля мое смирение, дабы вреселитимися отсюду, и Богу хотящу, и молитвамъ вашимъ поспешествующимъ мне во благое, хощу итти во градъ Кашинъ къ сыну моему, благоверному квязю Василию. Вы же, сестры мон, оставайтеся зде съ Богомъ и въ молитвахъ своихъ поминайте мое смирение".

Оне же реша къ ней: "Аще, госпоже наша, отходиши отъ насъ, на кого воззримъ я кто намъ путь смиревия и кротости и безмолвия покажетъ? Ето же ли намъ безъ тебе учение простретъ, да яко возможемъ ловлевия диавола прейти?" Блаженная же рече къ нимъ: "Богъ благий благодатию своею да сохранитъ вы отъ многоплетенныхъ сетей вражиихъ. Токмо молю васъ, яко да имеете попечение о душахъ своихъ и красоту девства вашего храните безъ всякаго вреда и свещу вашего течения добраго соблюдите неугасиму, дондеже приидетъ небесный Женихъ, Христосъ Богъ нашъ. И аще обрящетъ ны въ первемъ нашемъ воздержании и добромъ течении иноческаго жительства, тогда введетъ ны на браки своего небеснаго царства со всеми святыми. Аще ли не таковыхъ насъ обрящетъ, всяко и намъ возглаголетъ, яко и буимъ девамъ: "Отыдите отъ Мене, яко не веде васъ".

И тогда плакати имамы во веки векомъ, яко погубихомъ трудъ чернечества нашего. Но подобаетъ намъ со всякимъ смиренномудриемъ и кротостию духа молити человеколюбиваго Бога Господа нашего Іисуса Христа, дабы сподобилъ насъ съ мудрыми девами небеснаго своего чертога наследницамъ быти, и дабы доброе течение соблюлъ по своей ему благости цело и непорочно, яко Тому подобаетъ всяка слава во веки, аминь". Оне же слышавше учение ея, вельми дивляхуся безмерному смирению и реша къ ней: "О, госпоже наша, преподобная мати! Кто убо виде безмерное твое смирение и любовь, послушание же и терпение, кротость и незлобие, и милосердие ко всемъ, успехъ своему житию не приимаше и всемилостиваго Бога не прославляше. Мы, видевше твое постническое житие, постъ и воздержание и непрестанную любовь, яже къ Богу, зело успехъ своему житию приимахомъ. Ныне же, госпоже, отходиши отъ насъ, како не сетование намъ будетъ твое разлучение, и како намъ не плакати: еже дарова Богъ, сего лишаемся. Но молимъ тя, госпоже, не оставляй насъ сирыхъ, но пребуди съ нами". И сицевыми словесы хотяще удержати неудержимую, мняще, аще послушаетъ техъ, паки пребудетъ съ ними.

Но блаженная и преподобная мати утешаше ихъ сладкими учениа: "Не скорбите, рече, сестры мои и госпожи, аще отхожу отъ васъ, но и тамо вы со мною есте, и азъ съ вами буду духомъ. И аще всеблагий Богъ союзомъ духовныя любве совокупилъ насъ, кое техъ разлучение или разстояние прииметъ?" И миръ давъ имъ, и лобза коюждо святымъ целованиемъ, отходитъ въ соборную церковь, и тамо на многъ часъ Богу моляшеся, покрыти ю своимъ человеколюбиемъ, идеже аще изволитъ ей быти. Паки же пряпадаетъ со многими слезами и ко гробу супруга своего, страстотерпца Христова, благовернаго и великаго князя Михаила, яко да и тамо помогаетъ ей молитвами своими. "Понеже, рече, велика стяжахъ тебе къ Богу ходатая и молитвенника".

И сице помолишися и приимши благословение отъ епископа, пути касается, всемъ людемъ плачущимся о отшествии преподобныя, яко мнети имъ тогда и глаголати, яко прогневася на насъ Богъ тоя ради отшествия и, аще не бы согрешихомъ предъ Богомъ, не бы попустилъ когда отъити пренодобней отъ града вашего. Благоверный же князь Василий многу милостыню подавъ сущимъ тамо постницамъ, и пищею удоволивъ, и всемъ нищимъ и убогимъ, яже во граде, такоже многу ыилостыню подавъ, и благословевие приимъ отъ епископа, отходитъ во свой градъ, поимъ съ собою и матерь свою, преподобную и благочестивую княгиню Анну, вельми прославляше въ сердцы своемъ всемилостиваго Бога и Пречистую Богородицу, яко получилъ желавие евоего благого хотения.

Егда же приближишася ко граду, тогда изыдоша вси людие града Кашина, иереи и иноцы, мужи и жены, и старцы со юнотами, во сретение преподобныя и блаженныя Анны и, другъ друга предваряюще, хотяще преподобвую видети, и овии прикасахуся воскрилию ризъ ея, освящение приимаху, инии же зрениемъ токмо ангелоподобнаго лица ея освящахуся и Бога прославляху и Того Пречистую Матерь Пресвятую Богородицу.

И сице приглашаху: "Приими, славный граде Кашине, свою похвалу и славу неотъемлему и радость присноцветущую. Яже ты изведе отъ себе плодъ богоданенъ и ветвь благочестивую, паки преблагий Богъ къ тебе приведе, и радуйся радостию непобедимою во вся роды, и радости твоея никто же отъиметъ отъ тебеа.

И тако Божиими судьбами и Того хотениемъ преподобная и блаженная великая княгиня Анна, супружница великаго князя Михаила Тверского, преселися во свое отечество, въ славный градъ Кашинъ, отъ града Твери. И начатъ ту подвизатися большими труды и подвиги, и пощении, и молитвою непрестанною вооружатися на невидимые враги, и стоявиемъ всенощнымъ победила бесовския брани.

И толико истни себе блаженная постомъ и многимъ воздержаниемъ, яко токмо познаватися составу человеческому, якоже глаголетъ пророкъ: "Прильпе кость моя плоти моей, и колена моя изнемогосте отъ поста и плоть моя изменися елея ради". И весьма плоть покорила духу, и жилище явися пресвято Пресвятыя и Единосущныя и Животворящия и Неразделимыя Троицы. Пришедъ бо Христосъ со Отцемъ и со Святымъ Духомъ, обитель сотворилъ себе въ пресвятей души ея; и толико возлюбилъ красоту, благородие чистоты ея, яко и по смерти соблюде святое тело ея невредимо отъ тления, якоже и ныне всемъ видится воочию.

Любляше же блаженная безмолвие и никому же беседоваше, но точию егда прихождаше къ ней сынъ ея, благоверный князь Василий, и сего учаше и наказоваше, како любве ради Христовы видимая презирати и ни во что же красоту века сего вменяти, любити же и боятися и почитати страшнаго и славнаго всесвятаго Бога, и того вечныхъ благъ искати милостынею и благотворениемъ къ нищимъ: "Ничто же бо, рече, тако просвещаетъ человека и до престола душу доводитъ, якоже милостыня"; поминати же смертный часъ: "Понеже, рече, чадо мое возлюбленное, аще царь или князь, или богатъ, или нищъ, рабъ или свободь, все смерти предаются, и никто же отъ нихъ на земли во веки иребываетъ, но яко сень скоро преходитъ и яко цветъ скоро увядаетъ, держати же ся правды, понеже правда же во веки пребываетъ". Праведный рече приточникъ: "отъ веры живъ будетъ, вместо же его предается нечестивый".

А еже смирену и кротку, и милостиву, и долготерпеливу, и "Аще, рече, тако поживеши, будеши долголетенъ на земли, и никто же на тя злое помыслитъ когда, и сопостатомъ твоимъ страшенъ будеши, и вечнаго блаженства отъ Господа нашего Іисуса Христа покой на небесехъ приимеши". И сими поученми наказоваше сына своего, благовернаго кпязя Василия, отпущаше его въ домъ свой. Сама же еданому Богу беседоваше молитвою непрестанною и прочими богодухновенными делы просвещаше душу свою. Благоверный же князь Василий, таковыми ученми отъ преподобныя матере своея наставляемъ и наказуемъ, яко древо приисходящихъ водъ напаяемо, возращая сториченъ плодъ, и никогда же преступаше наказания богоблаженныя, но тщашеся усердно последовати стопамъ ея. Поживе же преподобная княгиня Анна, по прешествии отъ Твери въ Кашинъ, неколико летъ во мнозехъ трудехъ и пощеяиихъ, и воздержавии, и въ молитвахъ. Таже, уведавши свое отшествие къ Богу, призываетъ къ себе сына своего, благовернаго князя Василия, и много поучивъ его о вере и о милостини, по селъ же некако сказуетъ ему и отшествие свое къ Богу.

Онъ же, яко услышавъ, вельми восплакася и рече ко блаженней: "О, мати моя преподобная! Кому насъ оставляеши, и отъ кого по твоемъ отшествии учение восприиму, что же ли животъ мой, кроме твоего пресладкаго учения и наказания? Уне ми съ тобою умрети, нежели по отшествии твоемъ лишену быти ми ангелоподобыаго твоего зрения". Великая же рече къ нему: "Не плачи, чадо мое возлюбленное, и не скорби о семъ: предаю бо тебе и весь градъ сей въ руце всемилостивому Богу и Пречистей Богородицы. Той да наставитъ васъ на всяку истину и исправитъ стопы ваша къ делавию божественныхъ заповедей Его. Токмо, чадо мое возлюбленное, держися, яже наученъ еси, и въ ихъ же пребываеши, и имей къ Богу веру несумненну, и Богъ мира да будетъ съ тобою. И молитва отца твоего, великаго киязя и страстотерпца Христова Михаила, и мое благословение во веки на тебе пребудутъ".

Тако же наказавши и вельможъ его, како всемъ сердцемъ Бога боятися и угодная предъ Нимъ творити, и Того пресвятыя заповеди безленостно соблюдати, и послушание и покорение во всемъ имети къ сыну своему, благоверному князю Василию, и судъ въ правду судити и не насиловати немощнымъ, воспоминати же имъ евангельскихъ шесть заповедей, "Ихъ же, рече, истязани будете отъ Бога. И аще тако сотворите, и того ради сподобитеся отъ Бога милости и небеснаго царствия наследия". И сице поучивъ блаженная и преподобная и великая княгиня Анна и помолився за нихъ и о всемъ граде, таже возлеже на одре и опрятавшися велелепне, и сице рече: "Владыко, Господи, Иисусе Христе мой, ненадеющимся надежда, источниче благоутробия, Тебе света пресладкаго возжелехъ и Тебе душу мою предаю, приими ю и покой со всеми святыми". И тако предаде честную свою и ангеломъ говейную душу въ руце Господеви, Его же возлюби отъ юности своея и непрестанно вследъ Того человеколюбия течаше, въ лето 6846-е, месяца октоврия въ 2-й день.

Благовервый же князь Василий, сынъ ея, видевъ матери своея преподобныя и блаженныя и великия княгини Анны отшествие къ Богу, и нападъ на перси ея, со слезами вопияше: "О, мати моя преподобная и преблаженная, свете очию моею, учительнице и наказательнице моего ума! Аще и скончала еси свою жизнь и прешла еси отъ временныхъ на безконечная, и отъ многихъ трудовъ на вечный покой, но духомъ не отступай отъ насъ, чадъ своихъ, и молися Христу Богу нашему о сохранении державы моея и о спасевии всего града, въ немъ же изволила еси жити и душу свою предати Господеви, и избавитися намъ отъ всехъ находящихъ намъ видимыхъ и невидимыхъ врагъ и спастися душамъ нашимъ".

Слышано же бысть по всему граду преставление преподобныя, скоро притекоша мужи и жены и со младенцы, нищии и убозии. Вельможи плачущеся, яко истинная имъ бе учительница и окормление животу ихъ, нищии же и убозии, сироты же и вдовицы рыдаху, яко питательницы своея и крепкия помощницы, и непобедимыя заступницы лишишася. И тако положиша на одре честное и трудолюбезное тело блаженныя и великия княгиви Анны, понесоша честно со псалмы и песньми и пеньми духовными сынъ ея и съ вельможами своими въ соборную церковь Пресвятыя Владычицы нашея Богородицы честнаго и славнаго ея Успения, и отпевше надгробная пения, и погребоша тело преподобныя подъ соборною церковию со псалмы и иесньми и пеньми духовными; отдаша персть персти, много плачущеся и сетующе, яко лишишася добрыя учительницы и крепкия заступницы, обаче надеющеся, и по отшествии ея иже къ Богу, незабвенно въ молитвахъ своихъ память имети о отечествии своемъ. И тако разыдошася кождо въ домы своя, славяще и благодаряще Бога.

Сицево житие преподобныя, таково иже во плоти равноангельное блаженныя и великия княгини Анны на земли пребывание, иже отъ младыхъ ноготь нача Богу работати благими делы, всемъ сердцемъ любити. И ничто же отъ видимыхъ сущихъ на земли, яже прелесть мира сего, хотящимъ Богу работати помрачаетъ очи, паче любве Божия предпочте, и до конца гнушашеся славы века сего суетнаго, и якоже преже сопряжения добродетелей прилежа, тако и въ сопряжевии и наипаче божественнымъ заповедемъ вседушно прилежа.

И по скончании супруга своего, великаго князя Михаила, чистоту своего благородия нескверну соблюде, и въ постничестемъ тризвищи, иноческомъ пребывавии добрьшъ подвигомъ подвизася. И ничто же возможе отлучити ю отъ любве Божия: ни слава мира сего, ни красота века сего, ни честь, ниже величество, но вся сия отъ юности преобидети нача, тако и скопча; и во уметы положи и до конца оплева, токмо единаго Христа да приобрящетъ, и Того доброты выну и славы божественныя да насладится. Сице и Христосъ Сынъ Божий возлюби ю и венча святый верхъ главы ея светлымъ венцемъ правды, и достойну сотворилъ ю небеснаго своего чертога, и съ мудрыми девами причте ю въ царствии своемъ вебеснемъ. Сынъ же ея, благовервый и великий князь Василии, такоже и той житие свое благочестно и мирно препроводилъ, и съ миромъ ко Господу отъиде того же лета, месяца июля въ 24 день. Бе бо смиренномудръ и кротокъ, и милостивъ до ковца, и во всемъ ревноваше житию родителема своима. О всемъ мире молятся и ходатайствуютъ о отечествии своемъ.

Сия тебе моихъ словесъ плетения, о преподобная мати и богоблаженная великая княгияя Анно, приими е, яко даръ любочестенъ, и аще точно твоему равноангельному иже во плоти житию буди благодарение Богу, того бо есть даръ и отъ еговыхъ велелепному Божества славы Его вся сия приносимъ, якоже и оная вдовица убогая, иже две цате принесый Богу въ даръ и свидетельствована бывши паче множества принесшихъ. Аще ли что и недостаточно явися твоему богоугодному вребыванию, обаче по силе принесохомъ тебе, елико подаде благодать Святаго Духа. Кто бо можетъ по достоинству изрещи ваше иже во плоти ангельское пребывавие и еже многие труды и поты, пощение и воздержавие, и слезы непрестанныя, смирение же и кротость, и любовь нелицемерную, еже и сами ангела удивишася невещественному вашему житию! Ты же молися, преподобная и богоблаженная великая княгиня Анно, о мне недостойнемъ ко Христу Богу, и достойна мя сотвори небесныя породы наследника быти и избавитися вечнаго осуждения, и твоими молитвами въ настоящемъ семъ житии сохранену быти отъ мнотоплетеннаго коварства вражия. Благодатию и человеколюбиемъ Господа нашего Іисуса Христа, съ Нимъ же Отцу купно и Пресвятому и Животворящему Его Духу всяка слава и держава отъ всея твари честь и поклонение, ныне и присно, и во веки векомъ. Аминь.

О явлении преподобныя матере нашея благоверныя великия княгини Анны и чудо о пономаре, именемъ Герасиме.

Прешедшимъ убо многимъ летомъ по успении блаженныя и великия княгини Анны, яко двесте и четыредесять и три лета, въ неже время всещедрый Богъ благостию своею явилъ намъ источникъ неисчерпаемый, гробъ знаменоносныя матере и великия кпягини Анны. И по явлевии томъ неведомъ бе и небрегомъ святый гробъ ея, зане сущу времеши тогда въ Российскомъ господарстве нестройну бывшу, отъ нашествия богомерзкихъ, латинския ереси восприемниковъ, литовскихъ людей, якоже летописныя книги повествуютъ.

Царствующу бо тогда въ Московскомъ государстве и скифетры Российскаго царства правящу царю Василию, тогда убо окрестъ Московского царства безчисленное воинство бяше литовскихъ людей, на взятие царствующаго града готовляхуся, прочие же грады окаяннии пленующе и пожигающе, и въ запустение полагающе. И многия святыя места, и честные монастыри разориша, и крови христианския окаяннии множество пролияше: отъ Москвы даже и до Великаго Новаграда и окрестъ окияна моря протече необузданпое ихъ воинство. Богу тако попущающу за грехи наша, яко да накажемся человеколюбие Его не гневати, и яко да научимся пресвятыя заповеди Его не преобидети, но да всегда предъ Нимъ угодная навыкнемъ творити. Той бо самъ глаголетъ пророкомъ своимъ: "Аще Мене послушаете, благая земли снесте; аще ли не послушаете, оружие вы поястъ". И яко же речено бысть, яко злохищныи волцы, литовстии людие нещадно погубляюще овцы стада Христова, и несть кто возбраняя имъ или сопротивляяйся. Понеже царю Василию и самому тогда сущу въ велице утеснении, бывшу елико отъ литовскаго воинства, паче же отъ своихъ присныхъ мятежи и нестроения бяху.

Единою же нападше окаяннии литовстии людие изгономъ на градъ Кашинъ внезапу, людемъ же града Кашина о приходе ко граду неведущимъ и нестрегущимся, и острогу около града въ то время не было. И елице незапно во граде обретоша, многихъ посекоша, иныхъ раниша и многие домы разграбиша, и вскоре отъ града отъидоша. По отшествии же ихъ, литовскихъ людей, града Кашина граждане собравшеся и поставиша по осипи острогъ и начаша стрещися. И егда поставиша острогъ, последи же приразишася окаяннии литовстии людие ко граду Кашину не токло единою, но и дважды и трижды, но ничтоже возмогоша успети или зла сотворити, Богу его соблюдающу ради молитвъ благоверныя княгини Анны. Людие же, сущи тогда во граде, бяху ратнии и простии, видевше милость Божию, иже отъ нашествия латинския ереси восприемниковъ невредимъ пребываетъ градъ, и разумевше, яко не отъ своея имъ силы соблюдается, обаче не ведяху, яко кто бе по нихъ побораетъ и избавляетъ ихъ отъ пленения сопротивныхъ, понеже все грады плещи своя вдаша воюющимъ. Тогда убо тогда премилостивый Богъ восхоте показати рабу свою и явити людемъ своимъ целебный источникъ и сущую помощницу во граде, преподобную и благоверную великую княгишо Анну, симъ образомъ.

По отшествии убо преподобныя къ Богу, погребено пресвятое тело ея подъ соборною церковию Пресвятыя Богородицы честнаго и славнаго ея Успения, и многими леты пришедши той церкви въ ветхость, якоже и помосту церновному обвалившуея до самыя земли и разрушшуся. Тогда гробъ великия княгини Анны обретеся на верху земли, и людие же воиньстии, иже во граде томъ учинении бяху на сохранение града, приходяще во храмъ Пресвятыя Богородицы помолитися и отъ неведения полагаху шапки свои на гробъ блаженвыя, инии же неразумнии и саждахуоя, мняше быти гробу просту, и никакоже помышляху, кого нетлению причастна быти въ немъ и сущую во граде заступницу. Господу Богу изволившу въ то время явити угодницу свою людемъ своимъ, яко да не къ тому преобидима бываетъ благодать Его, юже дарова угодникомъ своимъ, но да прочее яко светило сияетъ на подсвещнице.

Въ то время, о дивна дела Твоя Господи! въ неже тьма богомерзкихъ и треклятыхъ литовскихъ людей повсюду обношашеся, и крови христианския проливахуся, и людие въ велицей скорби и печали суще, и страхомъ сердца ихъ сокрушахуся, тогда убо Господь нашъ Иисусъ Христосъ изволилъ рабу свою явити. Является преподобная и богоблаженная и великая княгиня Анна, въ велицемъ иночестемъ образе одеяна, пономарю церкве Пресвятыя Богородицы, именемъ Герасиму, ему же тогда въ велице болезни бывшу и весьма ко вратомъ смертнымъ приближающуся и отнюдъ не вачаему живу быти.

И явлениемъ своимъ исцеление ему подаде и здрава его сотворила. Та же поведаетъ ему о себе, кто бе. Потомъ, поношая имъ о неразумии ихъ, сице глаголетъ. "И почто, рече, гробъ мой пи во что же вменяете, и мене презираете, и яко просту помышляете гробу быти? Не видите ли людей приходящихъ и шапки свои пометающихъ на гробъ мой и садящихся, понеже отъ васъ невозбраняеми бываютъ, и отнюдъ небрегома бе отъ васъ и преобидима, н несть разумевающаго въ васъ? И доколе тако быти ми отъ васъ попираеме ногами. Или не весте, яко азъ молю всемилостиваго Бога и Того рождьшую Матерь Пресвятую Богородицу, дабы не преданъ былъ градъ сей въ руки врагъ вашихъ, и многихъ пакостей, находящихъ на вы, соблюдаю ваеъ? И понеже се въ неведении твористе. Обаче ныне не мози, человече, ослушатися моихъ словесъ, да не горша сихъ постражеши.

Но иди ко презвитеру сея церкви и ко всему причту, и повеждь имъ вся сия реченная отъ мене, яко дабы отселе гробъ мой честне имели и приходящимъ бы возбраняли садитися нань, и шапки класть ие велели, и свещу бы есте возжегли па гробе зюемъ предъ Нерукотвореннымъ образомъ Господа Бога и Спаса нашего Іисуса Христа". Той же пономарь отъ видения въ себе бывъ и скорому пременению еже отъ болезни здрава себе видевъ, вельми дивляшеся и Бога прославлягае, яко безчисленное богатство благости своея открылъ есть и отъ вратъ смертныхъ возведе, и великую княгиню Анну немолчными усты похваляше.

Таже нимало замедливъ, бояся прещения, но скоро приходитъ ко презвитеру и съ нимъ всему причту тоя церкви поведаетъ вся реченная отъ преподобныя, и яко здрава его сотворила отъ недуга и неисцельныя болезни, и отнюдъ къ смерти приближающася посещениемъ явления своего отъ смертныхъ вратъ возведе. Они же слышавше таковая и онаго ведяху вельми болезненна бывша и не начаема, видевше исделение получивша, благодарственныыи песньми всесильнаго Бога и Пречистую Богородицу воспрославиша, яко неистощимое богатство и небесное сокровище, и крепкую поыощницу явилъ имъ, и блажениую и великую княгиню Анну прославляюще, таже и всемъ людемъ поведаша.

И оттоле вси людие града Кашина, яко стяжавше крепкую по граде поборательницу и непобедимую во бранехъ помощницу, никако же не имеяху скорби еже отъ нашествия безбожныхъ и латинския ереси восприемниковъ, скверныхъ и преокаянныхъ литовскихъ людей, ведуще, яко неоставитъ преподобная отечества своего въ руце нечестивыхъ предану быти. Таже по повелению преподобныя на гробе ея предъ нерукотвореннымъ образомъ Господа Бога и Спаса нашего Іисуса Христа свещу неугасимую возжгоша, и мнози приходяще съ верою помолитися Пресвятей Богородице и гробу богоблаженныя честне и велелепне, яко же подобаетъ святымъ, поклоняхуся и почитаху.

И вси, иже многоразличными болезньми содержимии, прикасахуся честному гробу ея и неоскудную благодать отъ преподобныя почерпающе, отхождаху въ домы своя здравы, славяше и благодаряще Христа Бога нашего и Того рождьшую Матерь Пресвятую Богородицу, и благодать велию исповедающе благоверныя и великия княгини Анны, яко молитвами ея здрави бываху. Но тогда аще и многимъ чудесемъ, бывающимъ отъ гроба преподобныя, и мнозей благодати, изливающейся отъ живоприемнаго гроба, обаче въ простоте ума своего, или Богу тако изволившу судьбами своими, не подтщашася таковый светильникъ, иже подъ спудомъ сокрытый, пресвятое и нетленное тело богоблаженныя и великия княгини Анны, на свещнице поставити, сиречь яве быти мощемъ, дабы видимъ былъ таковый источникъ неисчерпаемый всемъ приходящимъ, якоже подобаетъ святымъ и другомъ Божиимъ и творящимъ волю Его.

По еже отшествии ихъ къ Богу, церкви Божия приятъ воспевати псалмы и песньми и пеньми духовными прославльшихъ Господа своимъ божественнымъ житиеыъ. Богъ же и се творитъ смотрения ради некоего. яко да покажетъ всемъ яве таковое неистощимое богатество, древния своея благости источникъ неисчерпаемый во свое время, когда онъ весть судьбами своиыи. И отъ того времени, въ неже явленъ бысть гробъ преподобныя, тако почитаемъ бе и покланяемъ честяе и велелепне.

О обретении честныхъ мощей преподобныя и благоверныя великия княгини Анны.

Во дни благовернаго и христолюбиваго царя и великаго князя Алексея Михайловича, всея Русии самодержца, и при святейшемъ патриарсе Иосифе московскомъ и всея Русии, благий и преблагий и всемилостивый Богъ нашъ, иже неизреченваго своего благоутробия пучину излия на насъ богатяо щедротами своими, даровавъ намъ божественнаго своего сокровища неистощимое богатство, и открылъ есть въ последняя сия роды иже подъ спудомъ лежащий светильникъ, и подаде неисчерпаемый источиикъ отъ приснотекущия своея благости, мощи цреподобныя и благоверныя княгини инокини Анны, и толикимъ бо летомъ прешедшимъ по преставлении блаженныя и никако же тлению причастны показалъ.

И яко же прежде варивше рехомъ неизследимыми судъбами Владыки всехъ и Бога, творящаго преславная и непостижимыя чудотворения роду человеческому, явився гробъ благоверныя княгини, инокини Анны, поверху земли, и меогимъ преестественнымъ чудесемъ отъ него изливающимся. И сие видевше презвитеръ тоя церкви и со иже съ нимъ причетъ церковный, таже и прочий священнический чинъ и вси людие пресловущаго града Кашина, како таковый неисчерпаемыи источникъ повсегда истекаетъ и никогда же оскудеваетъ, и въ себе помышляюще, яко Богъ благодатию своею дарова граду нашему таковое сокровище неистощимое, и яко многу времени прешедшу по явлении гроба преподобныя, и никого преже насъ бывшихъ, глаголаше, подщавшихся, ведяху, еже бо мощи преподобныя яве сотворити.

И се ныне предъ нами воочию нашею всякому приходящему отъ всечестнаго гроба ея изливается благодать, спасительная всемъ человекомъ, и яве показующи намъ преестественными чудесы, аще и намъ молчащимъ, но многая чудеса яве творятъ данную благодать, иже отъ юности возлюбившей Христову смирению и Его легкое иго поносившей, благоверной и великой княгине Анне. И како таковый божественный сосудъ, иже небеснаго мира полный во гробе лежащий, аки подъ спудомъ сокрытый и никимъ же ведомъ.

И доколе супостатъ нашъ, врагъ и диаволъ, и сопротивникъ святыхъ, таковымъ нашимъ не радениемъ и небрежениемъ поноситъ намъ. Той бо вся козни и лукавства и ухищрения, во Христову благодать оболкшеся, того пронырства до конца победиша, и яко худая птица попираемъ отъ нихъ. По смерти же своей, вся наша страсти неисцельныя исцеляютъ и того козни яве намъ творятъ.

И сего ради лукавый сатана не хощетъ ни единымъ божественнымъ мощемъ ихъ въ видении быти всемъ человекомъ. Якоже и въ пренесении мощей явлено есть первомученика и первослужителя апостола архидиакона Стефана отъ Іерусалима въ Царьградъ, како нечистии дуси на пути вопияху: "О, горе намъ, яко первомученникъ Стефанъ идетъ мучити насъ!"

И аще не бы Божия десница, техъ стремления возбранила, не бы убо. когда попустили лукавии беси мощемъ его явленымъ быти всемъ людемъ. Якоже и въ прочихъ житияхъ святыхъ написано есть вся козни и ухищрения лукаваго сатаны, творимая отъ святыхъ мощей.

И таковая въ себе помышляху, любовию вперяющеся, еже бы дойти въ царствующий градъ Москву и поведати государю царю и великому князю Алексею Михайловичу, всея Русии самодержцу, о таковыхъ и толикихъ многоразличныхъ чудесехъ благоверныя и великия княгини Анны, дабы повелелъ государь царь таковому светилу изъ подъ спуда на свещнице поставитися и церкви Божия Матери свою красоту восприяти. И сему бывшу, вскоре делу касаются.

И царствующаго матери градовомъ, богоспасаемаго града Москвы, достизаютъ и тамо государю царю и великому князю Алексею Михайдовичу, всея Русии самодержцу, вкупе со святейшимъ Иосифомъ патриархомъ московскимъ и всея Русии, таковый неисчерпаемый источникъ во своемъ граде, гробъ благоверныя и великия княгини инокини Анны, супружницы благовернаго и великаго князя и страстотерпца Христова Михаила Тверскаго, на верху земли поведаютъ, вкупе же и многия и различпыя чудеса, бывающия отъ всечестваго гроба ея холитвами преподобныя, яве извещаютъ.

И яко отъ лица церкви Божия Матери благочестиваго царя молиша, сице глаголище: "Даруй, царю благочестивый, мою красоту велелепную и утварь многоценную, и сокровище неистощимое, и светильникъ пресветлый, источникъ неисчерпаемый, сосудъ божественнаго мира полный, гроздъ истинныя лозы; повели открытися гробу моея дщери возлюбленныя и яве быти мощемъ Преподобныя всемъ приходящимъ. Доколе таковому небесному сокровищу подъ спудомъ лежати? Не могу бо сея надолзе зрети во гробе затворену, понеже аки многимъ облакомъ, спокрывшимъ пресветлыя лучи чувственнаго солнца, сице и моея дщери во гробе затворенныя мощи доселе некимъ ведомы. И доколе въ поношениихъ есмь отъ всехъ ради таковаго презревия? Се бо и Женихъ мой небесный, иже предобручилъ мя Себе невестою, Сынъ Божий единородвый и соприсносущвый Отцу и Святому Духу, иже сый сияние славы Отча, вопиетъ во святемъ своемъ евангелии, яко неподобно светильнику возженному подъ спудомъ быти, но на свещнице полагатися, яко да светитъ всемъ, иже во храмине суть. Аще ли откровено будетъ таковое пречистое селение, божественный сосудъ, тогда буду отъ всехъ славима и ублажаема, восприимши въ себе таковый источникъ, иже отъ многихъ летъ сокровенный. Такова слава моя, таково украшение мое, таковою добротою и утварию украсивъ мя небесный мой Женихъ и твой Творецъ и владыка. Кроме же таковыя утвари, еже есть мощей святыхъ и образовъ подобия ихъ написанныхъ, лишена бываю славы и яко горлица пустынная пребываю".

Сия слышавъ, благоверный и христолюбивый государь царь и великий князь Алексей Михаиловичъ, всея Русии самодержецъ, вкупе съ богомольцемъ своимъ и отцомъ, святейшимъ Иосифомъ патриархомъ, радости многи наполнившеся и благодарственныя песви всемилостивому Богу возславше, яко таковое сокровище своея благости во дни благочестивыя державы его открылъ есть, таже вскоре посылаетъ своя царская писания во градъ Тверь къ сущему тамо архиепископу Ионе, повелеваетъ ему немедленно дойти во градъ Кашинъ и мощи благоверныя и великия княгини инокини Анны со всякимъ благоговениемъ открыти, и таковое небесное сокровище и источникъ приснотекущий не къ тому покрывати или въ земли положити, но яко свещникъ на свещнице возложити, яко да видевше чада церковная и Христова стада словесныя овцы мощи богоблаженныя и великия княгини Анны, врославятъ Бога Отца и Единородваго Сына Его, Господа нашего Иисуса Христа, и Пресвятаго и Животворящаго Вго Духа. Принесену же бывшу таковому царскому писанию во градъ Тверь ко архиепископу Ионе, и прочетъ вскоре пути емлется, поимъ съ собою весь клиросъ соборныя церкви.

И пришедъ во градъ въ Кашинъ, молебная пения и благодарственныя песни ко Христу Богу и Пречистей Богородице принесе, таже и всенощному бдению и утреннему славословию бывшу во храме Пресвятыя Владычицы нашея Богородицы и Приснодевы Марии честнаго и славнаго ея Успения надъ гробомъ преподобныя и великия каягини инокини Анны.

И после божественныя литургии, певша надгробныя пения богоблаженней со псалмы и пеньми, и песньми духовными, со всякимъ умилениемъ и благоговениемъ, и многому благодарению бывшу, людемъ же всемъ взывающимъ: "Господи помилуй!" И абие преосвященный Иона, архиепископъ, священныма своима дланьма со архимандриты и игумены, и со множествомъ священническаго чина всечестному ковчегу касается, и открывше приснотекущий источникъ мощи богоблаженныя и великия княгини инокини Анны и видевше яко кринъ во удолиихъ сияющъ и яко финикъ цветущий.

О, непостижимымъ судьбамъ Твоимъ, Владыко Христе Царю! Обретше мощи, его же не надеявшеся, целы и неразрушимы, и никако же тлению причастны быша, би поне ризамъ ея; аще и некая часть къ сродаому сродиое отдадеея. Но слава всемогущему Богу и Пресвятей Его Матери, Пресвятей Богородице, яко тако прославляютъ угодниковъ своихъ.

Таже благоухания неизреченнаго воздухъ наполнився отъ мощей преподобныя и всехъ услаждая и возвеселевая сердца, подвизая на благодарение и славословие, иже во евятыхъ чудодействующему Богу, таковая преславная чудеса творящему. Таже архиепископъ Иона со всемъ священнымъ соборомъ многая благодаревия Богу изрече, яко въ последняя сия роды таковое небесное богатство, отъ многихъ летъ сокровенное, нетленно явилъ людемъ своимъ. И "Слава Ти, Владыко мой, Иисусе Христе, глаголаше, яко сподобилъ мене недостойнаго видети приснотекущий источникъ, древния своея благости сокровище, пречеотныя мощи благоверныя великия княгини инокини Анны. И что воздадимъ мы недостойнии Твоему нвпостижному и человеколюбвому благодеявию, илш твориши человеческому роду своимъ человеколюбиемъ. Велий еси Госиоди, и чудна дела Твоя, и ни едино достойно слово къ похвалению чудесъ Твоихъ".

И такое благодарение воздавъ всесильному Богу, и целовавъ любезно святыя мощи преподобяыя и богоблаженныя и великия княгини инокини Анны, и благословивъ когождо по единому, отъиде во свой градъ Тверь, славя и благодаря Христа Бога нашего и Того рождъшую Пречистую Матерь, Пресвятую Богородицу, и ихъ угодницу преподобную и великую княгиню инокивю Анну. Таже и писаниемъ возвещаетъ государю царю и великому князю Алексею Михайловичу, всея Русии самодержцу. "Яко во дни, рече, твоея благочестивыя державы, благочестивый и христолюбивый царю, открылъ есть Господь въ последняя сия роды, ради боголюбивыя твоея веры, юже имаши ко святымъ Его угодникамъ, таковое безценное богатство и поистине дражайшее паче древняго кивота, мощи благоверныя и великия княгини инокини Анны. И мы видевши, яко благодатию Христовою никако же тлению причастны явишася, ни поне ризамъ ея".

Благочестивый и богомудрый государь царь, слышавъ таковая, великою радостию радуяся о обретении мощей благоверныя и великия княгини инокини Анны, и вельми Бога благодарствивъ и Пречистую Богородицу, яко посетилъ люди своя, ихъ же стяжа пречистою кровию своею, таковымъ безцеинымъ сокровищемъ. Но кто можетъ изрещи иже тогда благочестиваго царя веру и любовь ко преподобней! Аще бы мощно ему взяти златыя крыле, по пророку богоотца Давида, и прелетети желаниемъ богодуховнымъ вскоре во градъ Кашинъ, якоже некогда Аввакумъ пророкъ въ Вавилоне обретеся, или, паче рещи, къ богоприятному и пречестному селению божественнаго кивота Пресвятыя Богородицы на Тоя успение апостоли снидошася на облацехь въ мгновении ока отъ конецъ земли, тако и онъ, благочестивый и Богомъ хранимый государь царь и великий киязь Алексей Михайловичъ, всея Росии самодержецъ, толикою любовию божественною возгоревся, и желаниемъ паримъ видети мощи благочестиваго корени, пресловущаго благовернаго и великаго каязя Михаила Ярославича Тверскаго, супружницы его благоверныя и великия княгини иеокини Анны, и целовати любезно пресвятое тело ея и поклонитися цельбовосному гробу ея. Аще бо тогда и отложилъ на время путное шествие ко граду Кашину, но обаче въ приидущее лето веру свою боголюбивую деломъ совершилъ ю, якоже въ пренесении честныхъ и многоцелебныхъ мощей преподобныя и богоблаженныя велакия княгини Анны написася о семъ.

Мы же, церковная чада, сошедшеся во обретение честныхъ и святыхъ мощей благоверныя и великия княгини инокини Анны, духовне празднуемъ, во псалмехъ и въ пениихъ и въ песнехъ духовныхъ восхваляюще Господа Бога и Творца своего, и приимшаго труды и подвиги угодницы своея благоверныя и великия княгини инокини Анны, и тоя верхъ пресвятый венчавшаго божественною славою своею, и многими преестественными чудесы обогащъшаго, немолчными усты воспоемъ и восхвалимъ.

И тако въ таковомъ духовнемъ торжестве любовию вперившеся и на высоту божественнаго разума возшедшую похвалами воспоемъ, сице рекуще: "Радуйся, преподобная и богоблажеаная великая княгиня Анна, иже отъ юности своея нача Богу работати и того пресвятыя заповеди усердно въ сердды своемъ прияла еси. Радуйся, духовная мати, иже возеенавиде красоту и славу мира сего, токмо единаго возжеле преславнаго света Иисуса Бога нашего доброты выну наслаждатися и Того божествепныя славы наследница быти.

Радуйся, преподобная и преблаженная великая княгиня Анна, иже супругу своему, благоверному и великому князю Михаилу, подала еси советъ благъ къ страданию мучения добрымъ подвигомъ еже за Христа кровь свою излияти.

Радуйся, ластовице прекрасная и горлица чадолюбивая, иже по оного иже за Христа мучении, вдовствующи и чистоту девства своего сохранила еси, и къ Богу выну беседовала еси молитвою и постомъ и воздержаниемъ многимъ, якоже древле блаженная пророчица Анна, иже во евангелии свидетельствованная, въ дому Божии присно соводворяющися.

Радуйся, пречистое селение и жилище Святаго Духа, иже всяку славу и честь и господство века сего оставила еси, и до конца оплевала еси, и ни во что же яко уметы положила еси вся сущая въ мире, и Христу единому последовала еси, и Его пресвятое иго на раме носила еси, и многими добродетельными делы угодила еси.

Радуйся, преподобная мати Анно, иже невозвратнымъ путемъ шествовала по заповедемъ владыки своего Христа, и ничто же паче любве Его предпочте, сего ради и Христосъ возлюби тя, яко невесту прекрасную, и съ мудрыми девами въ чертозе своемъ сочталъ тя есть, и по успении твоемъ соблюде пресвятое тело твое нетленно, душу же твою святую въ премирная селения вселилъ и многими чудесы обогатилъ тя есть.

Радуйся, крепкая помощнице отечеству своему, граду Кашину, и всей области его великое утвержение.

Радуйся, заступнице и всемъ скорбящимъ душею божественное утешение.

Радуйтася и веселитася, супруга Христова, благоверный и великий княже Михаиле, вкупе сь супругою своею великою княгинею Анною, и радости ваю никто же отъиметъ отъ ваю. Радуйтася, светила пресветлая, иже всю Русскую землю просветила еста божествееными зарями чудесъ ваю.

Радуйтася и веселитася. угодника Христова, вы бо врача показалася еста всемъ приходящимъ съ верою къ цельбоноснымъ мощемъ ваю и исцеляета страсти наша неисцельныя. Молитася, святая, вкупе Христу Богу нашему даровати благоверному царю нашему на враги победу и одолевие, и шру смирение, и всей Российской земле великое утвержение, яко да и мы молитвами ваю получимъ оставление греховъ и житию исправлевие, и небеснаго царствия васледницы будемъ. Благодатию и человеколюбиемъ Господа Бога и Опаса вашего Иисуса Христа, съ вимъ же купно Отцу и Пресвятому и Животворящему Духу подобаетъ всяка слава, честь и поклоневие, ныве и присво и во веки векомъ. Аминь".

Месяца июня, вь 12 день. Слово о пренесении мощей святыя преподобныя благоверныя великия княгини Анны въ соборную церковь Воскресения Христова изъ древяные церкви Успения Пресвятыя Богородицы, идеже обретены быша святыя мощи ея.

Многа убо и различна дарования Божия, и благодетельство нейсповедимо къ человекомъ, яже содея въ наше спасение, своимъ божественнымъ и неизреченнымъ смотрениемъ, якоже гдагалетъ божеетвенный апостолъ Павелъ: "Велия благочестия тайна, Богъ явися во плоти". И како не велия тайна смотрения его, иже Отцу сопрестольный, собезначальный, и соприсносущный, прежде всехъ векъ отъ Отца рожденый, невидимый и не оеязаемый, благоволениемъ Отца изволилъ Сынъ Божий снити на землю й плоть прияти отъ святыя и преблагословенныя и Приснодевы Марии, и совершенъ явися повсему человекъ, и пребысть еже бе, и еже не бе приятъ, и бысть совершенъ Богъ, и совершенъ человекъ. И восхоте, милосердия ради своего, падшаго человека воставити, и страстию своею и воскресениемъ истлевшаго обновити.

И пострада плотию яко человекъ, а не божествомъ, божество убо безстрастно пребысть. Умеръ же и воскресъ, и человека съ собою совоскресилъ, якоже глаголетъ велеглаеный апостолъ Павелъ: "О немъ же имамы избавление кровию его, и оставление греховъ, иже есть образъ Бога невидимаго; и Той есть глава телу церкви, иже есть начало, перворожденъ изъ мертвыхъ. Яко въ немъ благоволи все исполнение вселитися, и темъ примирити всяческая къ себе, умиривъ кровию распятия своего собою, аще земная, аще небесная. Сия тайна велия сокровенная, отъ векъ и отъ родовъ. Ныне же явися святымъ Его апостоломъ, имъ же восхоте Богъ сказати, что богатьство славы тайны сея во языцехъ. И Той есть далъ, овы апостолы, овы же пророки, овы же благовестники, овы же пастыри и учители къ совершению святыхъ въ дело служения, въ совершенИе тела Христова".

Сие благочестие корень злочестия искорени, сие мучащаго насъ диявола попрана всеми сотвори, по реченному Христову словеси: "Дахъ, рече, вамъ власть наступати на змия и на скорпию и на всю силу вражию". И кто есть наступаяй ва оного змия? - токмо иже победивый миръ сей, и, по святому апостолу, вся уметы вменивъ. И не толико небо украшается солнцемъ, и луною, и звездами, и земля древесы многоразличныхъ видовъ цветы, елико церковь Божия святыхъ и праведныхъ мужей и женъ подвиги и труды красится и прославдяется и святыми ихъ мощми просвещается; понеже убо они Бога возлюбиша, и невозвратнымъ путемъ Тому последоваша, и святыя Его заповеди сохраниша, и ни что же, паче Его любве, отъ видимыхъ предпочтоша. Сего ради и Богъ ихъ воспрослави, не токмо въ животе, но и по смерти святыя ихъ телеса нетлениемъ почте, ради крайния ихъ чиототы, и многими чюдесы и различными чюдодействы, ихъ ради молитвъ, всю землю исполнилъ, якоже и ныне поведаемая отъ насъ святая и благоверная великая княгиня Анна, о ней же слово предлежитъ. Высть убо супружница великаго князя и страстотерпца Христова Михайла Тверскаго.

Како въ толицей господской чести бывши, въ величестве, и славе, и въ богатьстве, и яко царица почитаема бе, Богу угодила и ныне со всеми свлтыми Святей Троице предстоитъ, о всемъ мире молящеся; что бо ей въ житии семъ отъ видимыхъ мира сего препяили возбрани отъ добраго течения и ненасытныя сладости прекраснаго жениха Иисуса Сына Божия: еда господская честь и слава мира сего, но сия отъ младыхъ ноготь презре, или супружество, и се ви како же кое убо возбранение будетъ тамо отъ соблюдевия заповедей Божиихъ, идеже два во единъ духъ живутъ. И бе въ нихъ сердце едино, и едина душа, и ревность къ сохранению заповедей Божиихъ, непрестанное течение еже къ Богу день отъ дне. Но сия быша.

Святый благоверный князь Михаилъ и супружница его, святая благовервая княгиня Анна, всякими добродетельми украшены, и ни что же паче любве Христовы предпочтоша, и непрестаннымъ еже къ нему рачениемъ течаста въ молитвахъ присно, и во бдениихъ, и слезахъ неисповедимыхъ. Идеже бо трудъ не яве сеяшеся, по реченному, како возможно писанию предати. Но аще и въ господстве бяху, но присно поминаху одръ блаженнаго и великаго во пророцехъ царехъ богоотца Давида и пророка, и постелю его присно мочащую слезами. а не водою; и по всему быста милостынею ко убогимъ и благотворениемъ къ нищимъ, якоже древле праведный Авраамъ и Иовъ; гордыню же и тщеславие отнюдъ возненавидеша. И конечное святая и благоверная княгиня Анна укрепляше супруга своего благовернаго князя Михайла, егда ощутилъ злочестиваго царя на свою державу гневающася, и отъ своихъ сродникъ клеветы сшиваемы, не хотяше на свою державу отъ злочестивыхъ съ ратию пришедшихъ видети и не повинно кровь христианскую пролияти, самъ пойде къ злочестивому царю во орду, яко да за всехъ постражетъ.

И сице супружница его, благоверная княгиня Анна, укрепляше его на лодвигъ, и глаголаше къ нему: "Да не будетъ тебе, господи мой, паче любве Христовы предпочести что: ни ласкание царево, ни господския чести обещание умягчитъ душу твою отъ подвига, ниже паки да устрашатъ тя прещения его различная, ни томления нужная, яко бы сотворити волю его екверную; стени бо подобна и сну таковая страшилища. Но буди во исповедании, яко добръ воинъ Христовъ, и присно иоминай велегласнаго апостола Павла, глаголюща: "Яко ни скорбь, ни теснота, ни гонение, ни гладъ, ни нагота, ни беда, ни мечь, ни яно что отъ лютыхъ мира сего возможетъ насъ разлучити отъ любве Божия". Но постражи за йострадавшаго насъ ради и буди веренъ до смерти, и дастъ ти Господь венецъ жизни". И сице укрепляше блаженная супруга своего великаго князя Михайла, яко и самому ему дивитися премудрому разуму ея, и доброму совету, и Бога прославляти, яко къ подвигу его ревность подаде женою, а не якоже древле въ раи Евва къ Адаму.

И сему тако бывшу, пострада убо блаженный, и мучения венцемъ увязеся. Блаженная же и великая княгиня Анна, по страдании супруга своего, поразуме, яко невозможно ей спастися, посреде плищевъ и всякихъ молвъ быти, аще ве со отречениемъ всякия славы мира сего, и господския чести возненавидевши, и вследъ евангельскаго гласа итти, глаголюицаго: "Аще кто не оставитъ отца своего и матерь, и жену, и чада, и села, и имения, не можетъ Мой быти ученикъ".

И нимало замедли, но всю славу жития своего господскаго, и детей своихъ моления, еже быти съ нима, презре, и вся во уметы вмени, и яко некую жертву себе Богови приведе, на тризнище подвигъ исходитъ, и иноческому житию себе въ обители девамъ сопривмещаетъ, и бываетъ вся Христови, и едина единому последуя, въ молитвахъ и молениихъ, присно поучаяся псалмомъ и прочимъ богодухно веннымъ писаниемъ, смирениемъ же и кротостию украшаяся, молчание любя, и покорение ко всемъ имея, аще и госпожа сый всемъ бысть, но едино воспоминая, како Господь нашъ и Богъ, иже всего мира Творецъ, обнища насъ ради, якоже апостолъ глаголетъ, да насъ богатствомъ небеснымъ обогатитъ, дая образъ послушанию, иже и бывъ послушливъ до креста и смерти, и не прииде къ намъ да послужатъ Ему, но да послужитъ и дати избаву за многихъ; намъ подаде указъ во всемъ, яко да по стопамъ Его ходяще, будемъ послушливи ко всемъ. И сице живяше блаженная, яко древо плодовито приисходящихъ водъ, сиречь евангельскихъ источникъ.

И день отъ дне восхождения по пророку Давиду въ сердцы своемъ полагая, душу же и тело посвещая божествеными поучениями, яко ни дне, еи часа не хотяше никогда отъ славословия Божия престати, но всю жизнь свою изнуряше Господеви, Его же возлюби и Ему же последова, и присно глаголаше въ себе: "Не трудно ми тещи вследъ Тебе, женише мой любимый, ибо любовь Твоя распали мя, в воследовати по Тебе научи мя. Воистину весь еси желание, весь еси сладость, и не насытимая радость, Слово Вожие! Тебе Господу Богу моему и душу мою предаю, приими ю съ миромъ и сочетай мя съ мудрыми девами, яко да и азъ съ яими вниду въ чертогъ Твой, и узрю светъ лица Твоего, и просвещение Святыя и Единосущныя Живоначальныя и Нераздельныя Троицы. И всели мя во обителехъ Твоихъ, иже еси уготовалъ любящимъ Тя, якоже святый Павелъ апостолъ глаголетъ". Сицево блаженныя житие, таково и пребывание и исправление божественныхъ ея добродетелей. И тако жизнь свою сконча, прейде ко оному блаженству, идеже чистъ гласъ празднуюшихъ, идеже ангельское непрестанное къ Богу пение, идеже радость и веселие присное.

Сего ради и Богъ ея не токмо въ животе, но и по смерти дарова ей нетление, и исцеления даръ присно изливающийся. И толико Божия благодать сохрани цело тело блаженныя, яко множае двою сотъ летъ сокровено бысть въ земли святое тело ея. И никакоже тлению причастны явишася, иже и ныне видимы всемъ предлежатъ честныя и святыя мощи ея, исцелевия различная подаютъ всемъ, приходящимъ съ верою, Богу прославляющу, ея трудовъ ради многихъ и воздержаеия неослабнаго.

Рече бо Господь: "Славящия Мя прославлю, и волю боящихся сотворю". Сего ради м мы, братие, воспрославимъ прославльшую Господемъ, и возвеличимъ во псалмехъ и пениихъ и песнехъ духовныхъ день пренесения честныхъ ея мощей, и возвеселимся духовне, и помолимся ей, яко да милостива сотворитъ намъ Бога въ настоящемъ семъ житии, и по отшествии отсюду да сподобитъ насъ благая со избранными Его получити, и пресладкаго гласа слышати: "Приидите, рече, благословении Отца Моего, наследуйте уготованное вамъ царствие отъ сложения мира". Что же прочее возглаголемъ или которыя похвалы достойныя преподобней принесемъ, паче же Богу, чудотворящему во святыхъ своихъ, по реченному: "Дивенъ Богъ во святыхъ своихъ Богъ Израилевъ". Память бо святыхъ вина нашему веселию, по премудрому Соломону: "Похваляему бо, рече, праведнику возвеселятся людие", и "Память праведнаго съ похвалою да бываетъ". Понеже и Богъ похваляемъ бываетъ, и прославляемъ, и величаемъ, ради торжества угодникъ Его.

Самъ бо Господъ нашъ Иисусъ Христосъ глаголетъ: "Тако да просветится светъ вашъ предъ человеки, яко да видятъ ваша добрая дела, и прославятъ Отца вашего, иже на небесехъ" и паки: "Аще кто Мне служитъ и последствуетъ, и идеже есмь Азъ, ту и слуга Мой будетъ". Не делы ли исполнилося сие Спасово слово? Не токмо мужи послужили, но и жены, якоже Лука евангелистъ глаголетъ о женахъ, иже послужили Господу отъ имений своихъ, якоже Мария Магдалыня, и Саломия, и ины. Тако и сия блаженная и великая княгиня Анна, симъ уподобився, и прочимъ женамъ преподобнымъ въ посте просиявшимъ, и во всякой добродетели процветшимъ; и не единой остася отъ божественыхъ добродетелей, еже бы преподобная въ себе не имый. И сими всеми исправленми Богу послужила въ преподобии, и правде, и во всякой святыни. Такоже и отъ имений своихъ последовала Господу, въ нищихъ утробы и вдовицъ, и сиротъ, и странныхъ, вся сокровища богатства своего сокры, яко да на небесехъ некрадомо богатство сокровенное отъ векъ и отъ родовъ обрящетъ, идеже ни тля тлитъ, ни тать подкопываетъ; ихъ же уготова Богъ любящимъ Его, якоже святый апостолъ Павелъ глаголетъ: "Ихъ же око не виде, и ухо не слыша, и на сердце человеку не взыде". О Отче святый небесный! Подаждь и намъ, Христе, сотворивъ волю Твою, наследникомъ быти тоя не изглаголанныя радости, и веселия святыхъ.

Время же прочее и веру показати самого великаго государя царя и великаго князя Алексея Михайловича, всея великия и малыя и белыя Росии самодержца, колику веру показалъ ко преподобней, и колико тщание и усердие о пренесении мощей ея имелъ. Якоже некогда болгарский царь Иоаннъ о пренесении мощей преподобныя Парасковии въ свой царствующий градъ, тако и сей благочестивыи великий государь царь о преподобней благоверной княгине Анне, не яко отъ града во градъ, но изъ древянвыя соборныя церкви, въ соборную каменную церковь да пренесутся мощи ея, дондеже на томъ месте, идеже обретено бысть святое тело ея, храмъ каменной прекрасенъ воздвигнется въ похвалу Пречистей Божии Матери, и ея угоднице великой княгине Анне. И яко хотяше благочестивый царь веру свою деломъ показати ко преподобней, тако и делы веру свою исполняше.

И первее убо посылаетъ царская своя писания во градъ Ростовъ къ преосвящеяному Варламу, митрополиту ростовскому, яко да приидетъ скоро въ славный градъ Кашинъ, на пренесение мощей святыя и благоверныя княгини Анны, понеже и самъ хотяше благочестивый царь тамо быти. Преосвященный же Варламъ митрополитъ, приимъ царская писания, вскоре пути касается и достизаетъ градъ Кашинъ.

Потомъ прииде и великий государь царь и великий князь Алексей Михайловичъ всея велакия и малыя и белыя Росии самодержецъ съ гоеударынею царицею и великою княгинею Мариею Ильичною и съ своими государевыма сестрами, и съ своими государевыми чады, и съ князи и съ боляры, и со всемъ своимъ царскимъ сигклитомъ на пренесение мощей преподобныя и великия княгини Анны.

И вечернему убо и утреннему славословию бывшу, и божественней службе совершившуся, и многия молбы ко всещедрому Богу принесше, времени же приспевши, абие касается самъ благочестивый великий государь царь гробу преподобныя, радостною душею и веселиемъ божественнымъ, съ князи и боляры; и на раменахъ своихъ возложивше, яко некое пречестное сокровище, воистинну сокровище божественное, паче древняго киота, тело драгое, тело честное, тело святое, въ немъ же обита Отецъ и Сынъ и Святый Духъ, Святая Троица, и понесше въ соборную церковь, разстояние же имый отъ древянаго храма до соборныя церкви, яко единымъ стрелениемъ; преосвященный же Варламъ митрополитъ, со всемъ освященнымъ соборомъ последующе со псалмы и песньми и пенми духовными, со многими свещами и кандилы благовонными.

Отвсюду же стекшимся множеству много народомъ, мужи, и жены, и старцы со юнотами, и бе вндети дивный сей позоръ, отъ множества свещъ блистания, яко второе небо звездами испещрено, горе-ангельская ликостояния Бога славословятъ, ради показавшаго чюдо сие рабомъ своимъ, доле же-человецы, яко отъ всехъ едино согласие Богу приношашеся, и еже "Господи помилуй" взываху. Воистину ту видети и благочестиваго царя веру, якоже иногда царь и пророкъ Давидъ, предъ киотомъ Господнимъ скакаше, играя, ради пришествия его, и предъ нимъ идяше, пояше, тако и сей великий государь царь радовашеся душею и веселяшеся сердцемъ, яко изволилъ Богъ въ его благочестивое царство, отъ давныхъ летъ таковое сокровище сокровенное открыти, и яко посетилъ Богъ люди своя, и сподобилъ его послужити преподобней, яко и гробъ ея съ мощьми на рамену свою понести. О дивна дела твоя Господи! Вся бо твориши елико хощеши, и несть кто противенъ твоей власти; воистинну страшенъ еси, и кто противъ станетъ Ти.

Паки прейдемъ на предняя. Но зде бысть честнее древняго киота: тамо святая святыхъ, ручка и манна, и жезлъ, и скрыжали, вещи суть предивны, и въ Божие имя сотворены, зде же предивнее, понеже. самъ Богъ обетова, глаголя: "Яко вселюся, рече, въ ня и похожу, и буду имъ въ Богъ, и тии будутъ Мне въ люди". И паки: "Азъ и Отецъ приидема, и обитель у него сотворима". Аще ли Божий храмъ человекъ и обитель Святей Троицы, то воистинну сий гробъ блаженныя и великия княгини Анны, въ немъ же положено бысть святое тело ея, многосугубно бысть святее и честнее древняго кюта. И не якоже Озанъ овъ прикоснувыйся киоту Господню, ту и пораженъ бысть, но зде мнози прикасахуся всякаго чина возрастъ мужи и жены, честному гробу блаженныя, и освящение приемляху, тако же и различными недуги и болезньми содержимии здравие получаху.

Понеже въ древнемъ законе всякъ прокаженный изгоняшеся изъ града, и никто же не смеяше прикасатися имъ, дондеже очистятся, пришедши же благодати, не къ тому законъ, что действовашеся: Самъ Господь нашъ Иисусъ Христосъ исполнитель закона, егда десять прокаженныхъ очистилъ и не возгнушася ихъ: понеже сень прейде, и истина наста, аще и девять неблагодарныхъ о благодателе явившеся, и се прообразование бысть иудейскому неблагодарному сонму, но единъ показася и давъ славу Богу; сей иноплеменникъ прообразова иже отъ языкъ церковь. Ныне же благодатию Христовою, аще кто и прокаженъ телесно, или гноемъ обложенъ лютымъ и язвами, или разслабленъ рукама и ногама, всехъ приемлетъ церковь, и несть возгнушания ни отъ кого, и ваблюдания иудейскаго: вси бо единъ удъ о Христе Иисусе быхомъ. О преславныхъ делъ твоихъ Христе Царю! Вся бо немощи наша понеслъ еси, и за грехи наша поболелъ еси, и еже богопротивникъ отъ еарисей скверныхъ слышася, иже Отцу соприсносущный и сопрестолный; и еже суботство ваблюдаху окаянвии, Тебе иже суботе творца оклеветоваху неблагодарнии, яко суботы не хранитъ и несть отъ Бога. 0 несмысленнаго сердца! 0 сквернаго языка! Како отъ зависти потемнеша мысленныя очи, и не восхотеша разумети пришедшаго Тебе на спасение имъ. Но даждь имъ Господи по деломъ ихъ. Мы же Тебе исповедуемъ Христа Сына Божия и Бога, пришедшаго на взыскание наше. Слава преблагому твоему мидосердию!

И якоже дойде великий государь царь и преосвященный митрополитъ съ мощми преподобныя въ паперть соборныя церкви, и абие гробъ блаженныя показася имъ отягченъ, и не можаху прочее нести въ церковь, И се Богу являющу, яко не въ той церкви положенымъ быти мощемъ ея, но идеже изволилъ Господь вначале погребенымъ быти и обретенымъ мощемъ ея въ дому Матере Своея, тамо и пребудутъ во веки векомъ. Великий же государь царь, видя сие и помышляше, яко не хощетъ преподобная въ соборной церкви положеыа быти, и моляше Бога въ еебе, яко да изволитъ ей ва время въ той церкви положеней быти, дондеже воздвижется храмъ прекрасенъ во имя Пресвятыя Богородицы и его угодницы преподобныя и великия княгиви Анны. И абие подадеся имъ святая, яко да внесше въ церковь положатъ моши ея. И сему бывшу, внесше гробъ блаженныя съ мощми въ соборную церковь Воскресения Христова и поставивше его на правой стране у столпа, и молебная пения Господу Богу, и Пресвятей Богородице, и его угоднице великой княгиее Анне певше, и многая благодарения изрекше, яко изволилъ Господь симъ преславнымъ чюдесемъ въ его благочестивое царство быти. Положенымъ же бысть мощемъ преподобныя, многа исцеления бываютъ оттоле и до ныне отъ святыхъ мощей ея всякими недуги и болезньми содержимымъ, и здравие получаху, отхождаху въ домы своя, много благодарение воздаваху Господу Богу, и Пресвятей Богородице, и преподобней благоверной великой княгине Анне.

Царь же благочестивый повеле отъ царскаго своего сокровища священному причту многу милостыню подати, тако же и нищимъ и маломощнымъ въ память благоверныя княгини Анны, и пребывъ неколико дней въ Кашине, и заповедавъ церковь строити каменну, идеже обретено бысть тело блаженныя, сущему ту священноиерею церкве именемъ Василию, самъ же отходитъ въ царствующий градъ Москву, благодаря Бога и Пречистую Богородицу, яко сподобилъ его послужити преподобней, и преславныхъ чюдесъ Его видети. Такоже и преосвященный Варламъ митрополитъ отходитъ въ свой градъ Ростовъ, много благодарение воздая Господу Богу, и Пресвятей Богородицы, яко сподобилъ его видети преславныхъ чудесъ Его.

Священникъ же Василей теплъ убо верою ко преподобнеи, царское заповедавие приемъ, вскоре делу касается и благодатию Христовою и молитвами преподобныя, не во мнозе времени прекрасну церковь каменну воздвиже во имя Пресвятые Богородицы честнаго и славнаго Ея Успения, присовокупи же и ину церковь объ ону страну тоя церкве, во имя преподобныя и великия княгини Анны. До зде слово о пренесении честныхъ ея и многоцелебныхъ мощей совершися.

В начало