Тропарь и молитва Колочской иконе Божией Матери

Дата публикации или обновления 01.02.2016
  • К оглавлению: Успенский Колоцкий женский монастырь
  • Успенский Колоцкий женский монастырь.
    Тропарь и молитва Колочской иконе Божией Матери.

    Колочской иконе Божией Матери.


    Тропарь, гл. 4.

    Днесь возсия неизреченно месту Колочу икона Богоматере, и яко светозарным солнцем пришествием Тоя озарися место то, Небесныя Силы и души праведных мысленно торжествуют радующеся, мы же на ню взирающи, к Богородице со слезами вопием: О Всемилостивая Госпоже, Владычице Богородице, молися из Тебе Воплощенному Христу Богу нашему, да подаст мир и здравие христианом по велицей и неизреченней Своей Милости.

    Молитва.

    Пресвятая Владычице Богородице, Царица Небесе и земли, Высшая Ангел и Архангел и всея твари Честнейшая, Чистая Дево Марие, миру Благая помощнице, всех христиан поможение и утверждение, и всем во всяких нуждах избавление. Призри ныне, о Всемилостивая Госпоже, на рабы Твоя, молящияся Тебе умиленною душею и сокрушенным сердцем, со слезами припадающия к Тебе и поклоняющияся Пречистому и Цельбоносному образу Твоему, просящее у Тбве помощи и заступления Твоего во всяких скорбех, печалех, бедах и напастех. О Всемилостивая Дево Богородице, Чистая Марие, призри на люди Твоя, молящияся Тебе усердно со слезами! Буди за нас ходатаица к Сыну Твоему, Христу Богу нашему, мы бо грешнии не имамы иныя помощницы, разве Тебе, Владычице: Ты наша надежда и упование, Ты еси заступница и предстательница наша, Ты обидимым защищение, печальным утешение, скорбящим радование, сирым приятельница, вдовам хранительница, девам слава, слезящим веселие, больным посещение, немощным исцеление, грешным спасение. Сего ради, о Богомати, к Тебе прибегаем, и на Твой Святый Образ взирающее, с любовию покланяемся Тебе с предвечным на руку Твоею держимым Младенцем, Господем нашим Иисусом Христом, и молевное пение приносим, вопиюще: помилуй ны, Мати Божия, и прошения наша исполни во благо, вся во возможна суть Ходатайству Твоему к Сыну Твоему и Богу нашему, Емуже подобает всякая слава, честь и поклонение и Благодарение, ныне и присно и во веки веков. Аминь.

    Наверх С использованием материалов из книги "Успенский Колоцкий женский монастырь".
    В начало



    Как вылечить псориаз, витилиго, нейродермит, экзему, остановить выпадение волос
     
    Rambler's Top100